| e-texts navigator |
| Wylie |
290b1 ཉིས་གསུང་བ་ཡིན། ། དགོངས་པ་ལུང་བསྟན་པ་ཞེས་བྱ་བའི་རྒྱུད་རྫོགས་སྷོ།། །། རྒྱ་གར་གྱི་མཁན་པོ་དྷརྨཱ་ཤྲཱི་བྷང་དང་།། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ།
290b2 @#།། རྒྱ་གར་སྐད་དུ། བཛྲ་ཛྙཱ་ན་ས་མུཙྪ་ཡ་ནཱ་མ་ཏན་ཏྲ། བོད་སྐད་དུ། ཡེ་ཤེས་རྡོ་རྗེ་ཀུན་ལས་བཏུས་པ་ཞེས་བྱ་བའི་རྒྱུད། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། ཇི་སྐད་དུ་བཅོམ
290b3 ལྡན་འདས་ཀྱི་ཡེ་ཤེས་རྡོ་རྗེ་ཀུན་ལས་བཀྲུས་པའི་རྒྱུད་ལས་ཇི་ལྟ་བ་བཞིན་དུ་གསུངས་པའོ། ། བྱམས་པ་ལ་སོགས་པ་བྱང་ཆུབ་སེམས་དཔའ་དྲུག་སྟོང་གིས་བཅོམ་ལྡན་འདས་ལ་ཞུས་པ། བཅོམ་ལྡན་འདས་མ་རིག་པ་དང་།
290b4 སེམས་ལས་བྱུང་བ་དང་། སེམས་ཞེས་བགྱི་བ་ཅི་ལགས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་མ་བཀའ་སྩལ་པ། རིགས་ཀྱི་བུ་ཉོན་ཅིག། ཡེ་ཤེས་གསུམ་རྡོ་རྗེ་ལས་ཡང་དག
290b5 པར་བྱུང་བ་དེའི་ཕྱིར་ཡེ་ཤེས་གསུམ་རྡོ་རྗེའི་རང་བཞིན་ནོ། ། བྱམས་པས་གསོལ་པ་བཅོམ་ལྡན་འདས་ཡེ་ཤེས་གསུམ་རྡོ་རྗེའི་ངོ་བོ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཡང་དག་པའི་མཐའ་ཟབ་པ། འགས
290b6 པ་མེད་པ། ། སྐྱེ་བ་མེད་པ་དེའི་རྐྱེན་གྱིས་མ་རིག་པ་སྟེ།། མ་རིག་པ་ཞེས་བྱ་བ་དང་སྣང་བ་ཉེ་བར་ཐོབ་པ་དང་སྟོང་པ་ཆེན་པོའོ།། དེ་ཡང་རྟོགས་པར་དཀའ་བའོ།། འོན་ཀྱང་སྣང་བ་དང་བཅས་པར་བརྗོད་པར་བྱའོ།། མ་རིགས་པའི
290b7 རྐྱེན་གྱིས་སེམས་ལས་བྱུང་བ་སྟེ། དེ་ནི་སྣང་བ་མཆེད་པ་དང་ཤིན་ཏུ་སྟོང་པ་ཞེས་གསུངས་སོ།། སེམས་ལས་བྱུང་བའི་རྐྱེན་གྱིས་སེམས་ཏེ། དེ་ནི་སྣང་བ་དང་སྟོང་པ་སྟེ། སེམས་དང་སེམས་ལས་བྱུང་བ་དང་མ་རིག་པའི
290b8 རང་བཞིན་བདག་མེད་པའོ། ། གསུམ་པོ་དེ་དང་དེ་འོད་གསལ་བ་ལས་བྱུང་བས་རྡོ་རྗེའི་རང་བཞིན་ནོ།། དེ་ནས་བྱམས་པ་ལ་སོགས་པ་བྱང་ཆུབ་སེམས་དཔའ་དེ་དག་ཐམས་ཅད་ངོ་མཚར་དུ་གྱུར་པས་ཅང་མི་སྨྲ་བར་གྱུར་ཏོ།། །
iiif viewer powered by OpenSeadragon
