| e-texts navigator |
| Wylie |
44a1 བསོད་ནམས་འཛིན་བཅས་རྣམས་ལ་བྱིན།། @རྒྱ་གར་སྐད་དུ། བྷཱུ་ཏ་ནཱ་མ་ར་མ་ཧཱ་ཏནྟྲ་རཱ་ཛ་ན་མ། བོད་སྐད་དུ
44a2 འབྱུང་པོ་འདུལ་བ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ། དཔལ་རྡོ་རྗེ་སེམས་དཔལ་ལ་ཕྱག་འཚལ་ལོ།། དེ་ནས་འདིར་ནི་བཤད་བྱ་བ། འབྱུང་པོ་འདུལ་བའི་རྒྱུད་ཆེན་རྒྱལ།། འབྱུང་པོ་འབྱུང
44a3 མོ་ཀུན་སྒྲུབ་པའི།། ཆོ་ག་རབ་ཏུ་རྒྱས་པའོ།། རྡོ་རྗེ་འཆང་ཆེན་པོ་འཇིག་རྟེན་གསུམ་གྱི་བདག་པོས་འདི་སྐད་ཅེས་གསུངས་སོ།། ཆུ་བོའི་འགྲམ་དང་དུར་ཁྲོད་དང་། ཤིང་གཅིག་པ་དང་།
44a4 ལྷ་གནས་པའི་ཁང་པ་དང་། དཔལ་རྡོ་རྗེ་འཆང་གི་ཁྱིམ་དང་། རིགས་ཀྱི་གནས་རྣམས་སུ་བསྒྲུབ་པར་བྱ་བ་སྐད་ཅིག་ཉིད་ཀྱིས་འགྲུབ་པར་འགྱུར་རོ།། གལ་ཏེ་མ་གྲུབ་ན་འབྱུང་པོ་དང་འབྱུང་མོ
44a5 རིགས་དང་བརྒྱུད་དང་བཅས་པ་མ་ལུས་པ་ཕུང་བར་འགྱུར་རོ།། དེ་ནས་དབང་ཕྱུག་ཆེན་པོའི་ལྷ་ཆེན་པོས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ལ
44a6 འདི་སྐད་ཅེས་གསོལ་ཏོ།། ཁྲོ་བོའི་བདག་པོ་ཆེན་པོ་གདུག་པ་དང་མ་རུངས་པ་རྣམས་གསོད་པར་བྱེད་པ་བཤད་དུ་གསོལ། དེ་ནས་དབང་ཕྱུག་ཆེན་པོའི་ལྷ་ཆེན་པོ་ལེགས་སོ་ལེགས་སོ་ཞེས་བྱ་བ
44a7 བྱིན་ནས། འབྱུང་པོ་ཐམས་ཅད་གསོད་པའི་སྔགས་ཀྱི་ཚིག་གསུངས་པ་ཨོཾ་བཛྲ་ཛྭ་ལི་ཧ་ན་ཧ་ན་སརྦ་བྷཱུ་ཏན་ཧཱུ~ཾ་ཕཊ། དེ་ནས་འདི་གསུངས་པ་ཙམ་གྱིས་དཔལ་རྡོ་རྗེ་འཆང་གི་བ་སྤུའི་བུག
iiif viewer powered by OpenSeadragon
