| e-texts navigator |
| Wylie |
347b1 བའོ།། @རྒྱ་གར་སྐད་དུ། རུ་དྲ་ཏྲི་ཏནྟྲ་གུ་ཧྱ་བི་ཝ་ར་ཏི་བཱི་ན་ཡ་ནཱ་མ། བོད་སྐད་དུ། གསང་བའི་རྒྱུད་རྣམ་པར་འབྱེད་པ་དྲག་པོ་གསུམ་འདུལ
347b2 ཞེས་བྱ་བ། འཇམ་པའི་རྡོ་རྗེ་ལ་ཕྱག་འཚལ་ལོ།། དེ་ནས་ཕྱག་ན་རྡོ་རྗེ་ཡིས།། གསང་བའི་དོན་འདི་ཡང་དག་ཞུས།། སྒྲུབ་དང་གནས་དང་མཚན་ཉིད་གང་།། རྫོགས་སངས་རྒྱས་ཀྱིས་བཀའ་སྩལ་པ།
347b3 ཤེས་རབ་སྙིང་རྗེ་གསང་དབང་ལྡན།། ལྕགས་འདྲའི་རི་དང་བྱ་སྐྱིབས་དང་།། ནགས་ཚལ་འཐུག་དང་མཆོད་རྟེན་ནང་།། ཞལ་གསུམ་ཕྱག་དྲུག་འཇིགས་པ་ཆེ།། མཆེ་བ་གཙིགས་པ་ནག་པོ་སྟེ།
347b4 དཀར་པོ་གཡས་ཏེ་ཁྲོས་པའི་མདོག། ཧཱུཾ་སྒྲོགས་མེ་ལྕེ་འབར་བའི་དབུགས།། དམར་སེར་གཡོན་ཏེ་བཞད་པའི་ཞལ།། སྤྱན་དམར་མོ་དཔུང་དང་འདྲ་བ།། ཟླ་བ་རྒྱས་པ་ལྟ་བུའི་ཞལ།། ནོར་རྒྱས
347b5 དུང་སྐྱོང་སེར་པོས་དབུ།། དགའ་བོ་ཉེ་དགའ་སྙན་ཆ་དམར།། དཔུང་པ་པདྨ་ཆུ་ལྷ་དཀར།། སེར་ལ་འདབ་བཟང་རིགས་ལྡན་གནག། ཚམ་རྔམ་རྡོ་རྗེ་སྡིགས་མཛུབ་དང་།། ཐལ་མོས་བདུད
347b6 འཇོམས་སྦྲུལ་ནག་འཛིན།། ཞལ་གསུམ་པ་སྟེ་འཇིགས་པ་ཆེ།། སྐུ་གསུམ་དག་གིས་རབ་ཏུ་མཚན།། ཕོ་ཉ་གསུམ་གྱིས་གདུག་པ་འདུལ།། ཀླུ་ཡི་གཉེན་པོའི་གནོད་སྦྱིན་བ་དག། བདུད་འདུལ
347b7 ཚངས་པའི་ཕོ་ཉ་ནི།། ཟླ་དང་ཉི་མ་དག་གི་སྟེང་།། གླང་ཆེན་ཀར་ཀ་གསེར་གྱི་གདན།། བརྒྱ་བྱིན་སེར་པོ་རྡོ་རྗེ་འཛིན།། ཚངས་པ་རལ་གྲི་པདྨ་འཛིན།། ཀླུ་འདུལ་སྦྲུལ་ནག་འཛིན་པའོ།། བདུད་འདུལ
iiif viewer powered by OpenSeadragon
