| e-texts navigator |
| Wylie |
262a1 ལྡན་འདས་ཀྱིས་བཀའ་སྩལ་པ། ཇི་སྲིད་དུ་ཞི་བ་ལ་སོགས་པའི་ལས་ཀྱིས་སེམས་ཅན་གྱི་དོན་མི་བྱེད་པ་དེ་སྲིད་དུ་ཡང་དག་པའི་མཐའ་ལ་རབ་ཏུ་གནས་པར་འགྱུར་རོ།།
262a2 གང་དུ་སེམས་ཅན་གྱི་དོན་བྱ་བར་མཐོང་བ་དེའི་ཚེ་བདག་བྱིན་གྱིས་བརླབ་པའི་རིམ་པས་ཡང་དག་པའི་མཐའ་ལས་ལངས་ཏེ་སེམས་ཅན་གྱི་དོན་བྱས་ནས་ཡང་དག་པའི་མཐའ་ཉིད་དུ་འཇུག་པར
262a3 བྱེད་དོ།། དེ་ནས་བྱམས་པ་ལ་སོགས་པ་བྱང་ཆུབ་སེམས་དཔའ་ཆེན་པོ་རྣམས་དགའ་ཞིང་མགུ་ལ་ཡི་རངས་ཏེ་དགའ་བ་དང་ཡིད་བདེ་བ་སྐྱེས་ནས་ཅང་མི་སྨྲ་བར་གྱུར་ཏོ།། ཡེ་ཤེས་རྡོ་རྗེ་ཀུན་ལས
262a4 བཏུས་པ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས། བདེ་བ་ཆེན་པོའི་ལེའུ་སྟེ་རིམ་པར་ཕྱེ་བ་གཉིས་པའོ།། རྫོགས་སོ།། ། རྒྱ་གར་གྱི་མཁན་པོ་ཛྙཱ་ན་ཀ་རའི་ཞལ་སྔ་ནས
262a5 དང་། ཞུ་ཆེན་གྱི་ལོ་ཙ་བ་ཁུ་སྟོན་དངོས་གྲུབ་ཀྱིས་བསྒྱུར། སླད་ནས་བླ་མ་དེ་ཉིད་དང་། དགེ་སློང་ཚུལ་ཁྲིམས་རྒྱལ་བས་ཞུས་ཤིང་གཏན་ལ་ཕབ་པའོ།། ཡེ་ཤེས་རྡོ་རྗེ་ཀུན་ལས་བཏུས།། རྣལ
262a6 འབྱོར་ཆེན་པོའི་གསལ་བྱེད་ཡིན།། ཡེ་ཤེས་རང་བཞིན་འཁོར་བ་དང་།། མྱ་ངན་འདས་པའི་ངོ་བོའོ།། དེ་གཉིས་དབྱེར་མེད་རྡོ་རྗེ་སྟེ།། ཀུན་འདིར་འདུས་པས་ཀུན་ལས་བཏུས།། དེ་སྟོན་པ་ལ
262a7 དེར་བརྟགས་ནས།། གཞུང་ལའང་མིང་དོན་འཚམས་པ་ཡིན། རྒྱ་གར་སྐད་དུ། ཤྲཱི་བཛྲ་ཧྲི་ད་ཡ་ཨ་ལཾ་ཀཱ་ར་ཏནྟྲ་ན་མ། བོད་སྐད་དུ། དཔ
iiif viewer powered by OpenSeadragon
