| e-texts navigator |
| Wylie |
256b1 ནུས་པ་ལས། ལྷ་མོ་སྒྲོལ་མས་ཞུས་པའི་ལེའུ་སྟེ་བཞི་པའོ།། ཐམས་ཅད་ཀྱི་གསང་བའི་མཆོག་དམ་པ་གསང་ཆེན་ཞེས་བྱ་བའི་རྒྱུད་ལྷ་མོ་བཞིས་ཡོངས་སུ་ནུས།
256b2 པ་དཔལ་ཨོཾ་རྱན་གྱི་ཡུལ་ནས་བྱུང་བ་རྣལ་འབྱོར་མ་ཆེན་མོའི་དེ་ཁོ་ན་ཉིད་རྫོགས་སོ།། ། རྒྱ་གར་གྱི་མཁན་པོ་སྨི་ཏི་ཛྙཱ་ན་ཀིརྟི་ཉིད་ཀྱིས་བསྒྱུར་ཅིང་ཞུས་ཏེ་བཤད་ནས
256b3 གཏན་ལ་ཕབ་པའོ།། རྒྱ་གར་སྐད་དུ། བཛྲ་ཛྙཱ་ན་ས་མུཙྪ་ཡ་ནཱ་མ་ཏནྟྲ། བོད་སྐད་དུ། ཡེ་ཤེས་རྡོ་རྗེ་ཀུན་ལས་བཏུས་པ་ཞེས་བྱ་བའི་རྒྱུད།
256b4 སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། ཇི་སྐད་དུ་བཅོམ་ལྡན་འདས་ཀྱིས་ཡེ་ཤེས་རྡོ་རྗེ་ཀུན་ལས་བཏུས་པའི་རྒྱུད་ལས་ཇི་ལྔ་པ་བཞིན་དུ་གསུངས་པའོ།།
256b5 བྱམས་པ་ལ་སོགས་པ་བྱང་ཆུབ་སེམས་དཔའ་དྲུག་སྟོང་གིས། བཅོམ་ལྡན་འདས་ལ་ཞུས་པ། བཅོམ་ལྡན་འདས་མ་རིག་པ་དང་། སེམས་ལས་བྱུང་བ་དང་། སེམས་ཞེས་བགྱི་བ་ཅི་ལགས
256b6 བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེས་བཀའ་སྩལ་པ། རིགས་ཀྱི་བུ་ཉོན་ཅིག། ཡེ་ཤེས་གསུམ་རྡོ་རྗེ་ལས་ཡང་དག་པར་བྱུང་བ་དེའི་ཕྱིར
256b7 ཡེ་ཤེས་གསུམ་རྡོ་རྗེའི་རང་བཞིན་ནོ།། བྱམས་པས་གསོལ་པ། བཅོམ་ལྡན་འདས་ཡེ་ཤེས་གསུམ་རྡོ་རྗེའི་ངོ་བོ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཡང་དག་པའི་མཐའ་ཟབ
iiif viewer powered by OpenSeadragon
