| e-texts navigator |
| Wylie |
250b1 བར་འགྱུར།། ས་ཡི་ཆ་ནི་གང་ན་འདི།། རྡོ་རྗེ་འཕྲེང་བའི་མངོན་བརྗོད་པའི།། རྣལ་འབྱོར་ཆེན་པོའི་དམ་ཚིག་རྒྱུད།། དུས་ཀུན་ཏུ་ནི་སྤྱོད་འགྱུར་ཞིང་།། རྒྱུན་དུ་དེ་ཉིད་རང་ཉིད་ཀྱིས།། ཁྲོ་བོ་བཅུ་ཡིས་དེ་ལས
250b2 ནི། རྟག་ཏུ་ཕུར་བུས་བགེགས་ཀུན་ལ།། སྲུང་བའི་དོན་དུ་ཡུལ་འཁོར་དེར།། རང་རང་འཕྲེང་བའི་སྔགས་ཀྱིས་ནི།། དེ་རྣམས་ལ་ནི་གཏོར་མ་དབུལ།། སེམས་ཅན་ཡོངས་སུ་གཟུང་བའི་ཕྱིར།། སྔ
250b3 ཚོགས་སྤྲུལ་པ་བསྟན་ནས་ནི།། རྡོ་རྗེ་སེམས་དཔའ་དུས་ཀུན་ཏུ།། ཉིན་དང་མཚན་དུ་བཞུགས་པར་འགྱུར།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་བའི་མངོན་པར་རྟོགས་པ་ལས། དངོས་གྲུབ
250b4 ཐམས་ཅད་བསྡུས་པའི་ལེའུ་སྡེ་དྲུག་ཅུ་རྩ་བརྒྱད་པའོ།། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་འཕྲེང་མངོན་པར་རྟོགས་པ་ལས། རྒྱུད་ཐམས་ཅད་ཀྱི་སྙིང་པོ་གསང་བ་རྣམ
250b5 པར་ཕྱེ་བ་ཞེས་བྱ་བ་རྫོགས་སོ།། ཐུགས་དམ་སའི་སྙིང་པོ་ཐོ་ལིང་སྙིང་པོ་དཔལ་དཔེ་མེད་ལྷུན་གྱིས་གྲུབ་པའི་གཙུག་ཁང་དུ་རྒྱ་གར་གྱི་མཁན་པོ་སུ་ཛ་ན་ཤྲཱི་ཛྙཱ་ན་དང་། སྒྲ་བསྦྱར
250b6 གྱུར་ལོ་ཙ་བ་ཆེན་པོ་བོད་ཀྱི་ལྷ་བཙན་པོ་བླ་མ་དགེ་སློང་ཞི་བའི་འོད་ཀྱི་ཞལ་སྔ་ནས་བསྒྱུར་ཅིང་ཞུས་ཏེ་གཏན་ལ་བབ་པ། རྒྱ་གར་སྐད་དུ།
250b7 ཏུར་དེ་བི་ཏི་པ་རི་པྲྀཙྪ། བོད་སྐད་དུ། ལྷ་མོ་བཞིས་ཡོངས་སུ་ཞུས་པ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ལྷ་མོ་བཞི་དང་མཉམ་ལྡན་ཞིང་།། སངས་རྒྱས་གཟུགས་ཀྱིས་ཉེར་བརྒྱན་པ།
iiif viewer powered by OpenSeadragon
