| e-texts navigator |
| Wylie |
4b1 ལུས་སྨད་ནད་སྣ་ཉི་ཤུ་འབྱུང་།། གཞན་ཡང་བཙན་ཐབས་བཅུ་གཉིས་ནི།། ཐ་མའི་ཞལ་ནས་ཤེས་པར་བྱ།། ཐ་མ་མཉེས་པར་བྱ་བའི་ཕྱིར།། ལུས་སྲོག་ལོངས་སྤྱོད་ཐམས་ཅད་ཀྱིས།
4b2 དུས་གསུམ་མཎྜལ་དང་བཅས་མཆོད།། ལུས་སྲོག་གཏང་བར་འཕངས་པ་བས།། མན་ངག་དམ་པ་དེ་བས་འཕངས།། དེ་བས་བཙན་ཐབས་ལེགས་པར་སྲ།། མན་ངག་ཆུ་བོའི་རྒྱུན་འདྲུབས།
4b3 དེ་ཉིད་རྒྱུད་དུ་ཤེས་པར་བྱ།། ཟབ་མོའི་དོན་སྟོན་རྒྱལ་པོར་གསུངས།། རྡོ་རྗེ་ཕག་མོ་ལ་སོགས་རྣམས།། གསང་བའི་གསང་བ་རྨད་བྱུང་འདི།། ཁྱོད་ལ་གཏད་དོ་དམ་དུ་སྤོས།། ཀུན་ལ་སྤེལ་ན་དམ
4b4 ཚིག་ཉམས།། ཀྱེ་མ་རྒྱུད་འདིའི་དོན་འདི་ལ།། ཕྱོགས་བཅུའི་འཇིག་རྟེན་ཁམས་བཞུགས་པའི།། དཔའ་བོ་མཁའ་འགྲོ་མ་ཡི་ཚོགས།། ཐམས་ཅད་ངོ་མཚར་ཆེར་སྐྱེས་ཏེ།། དགའ་ཞིང་མགུ་ནས་ཡི་རང་ངོ་།།
4b5 དཔལ་ཡེ་ཤེས་འབར་བའི་རྒྱུད་ཀྱི་རྒྱལ་པོ་མཁའ་འགྲོ་མའི་གསང་བ་ལས་ཀྱང་ཆེར་གསང་བ་རྨད་དུ་བྱུང་བ་རྫོགས་སོ།། སིང་ག་གླིང་གི་རྣལ་འབྱོར་མ་ཙནྡྲ་མཱ་ལེ་དང་། དགེ
4b6 སློང་ཤཱཀྱ་ཡེ་ཤེས་ཀྱིས་བསྐུར་བའོ།། རྒྱ་གར་སྐད་དུ། ཤྲཱི་ཙནྡྲ་མ་ལེ་ནྡྷན་ཛ། བོད་སད་དུ། དཔལ་ཟླ་བའི་འཕྲེང་བའི་རྒྱུད་ཀྱིརྒྱལ
4b7 དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཀྱེ་ཧོ་མགོན་པོ་རྡོ་ཆ་ཅན།། གྲོལ་མ་ཉི་ཤུ་རྩ་བཞི་ཡི།། ངེས་པ་གང་ལགས་ཆད་གང་ལགས།། རང་བཞིན་གྲུབ་པའི་སླར་ལགས་ཀི་མནན་ས།
iiif viewer powered by OpenSeadragon
