| e-texts navigator |
| Wylie |
19a1 ལ་ངྒར་དང་། ལོ་ཙབ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། ། ཎྱ་གར་སྐད་དུ། ཤྲཱི་ཨ་མྲི་ཏ་གུ་ཧྱཱཏནྟརཱཛ
19a2 བོད་སྐད་དུ། དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ།། བཅོམ་ལྡན་འདས་དཔལ་བདེ་བ་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།། བཅོམ་ལྡན་འདས་དེ
19a3 བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་ཞུགས་སོ།། དེའི་ཚེ་བྱང་ཆུབ་སེམས་དཔའ་རྡོ་རྗེ་སྙིང་པོས་གསོལ་པ།། དཀྱིལ་འཁོར་དབྱེ་བ་ཇི
19a4 ལྟ་བུ། སྔགས་དང་གཏོར་མ་ཇི་ལྟ་བུ།། སྦྱིན་སྲེག་མཆོད་སོགས་ཇི་ལྟ་བུ།། ཁྱོད་ཀྱིས་བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། དང་པོ་དཀྱིལ
19a5 འཁོར་དབྱེ་བ་ཡང་།། ཕྱི་ལ་གཟུགས་བརྙན་དཀྱིལ་འཁོར་ཏེ།། ནང་དུ་ལུས་ཀྱི་དཀྱིལ་འཁོར་རོ།། གསང་བར་བྷ་གའི་དཀྱིལ་འཁོར་ཏེ།། བཞི་པ་རང་རིག་བྱང་ཆུབ་སེམས།། དེ་རྣམས་ལྷ་ཡི
19a6 མཚན་ཉིད་ཀྱང་།། སྐུ་མདོག་ཕྱག་མཚན་རིགས་པའི་ལམ།། ཁྲོ་ཚུལ་དྲུག་ཅུ་རྩ་བཞི་དང་།། འབར་བའི་གར་དགུ་ཕྱག་རྒྱ་དྲུག། མཚན་ཉིད་སྒྱུ་མ་ལྟ་བུ་ལ།། ཐ་མལ་པ་ཡི་རྣམ་རྟོག་སྤོང་།།
19a7 ལུས་ཀྱི་དྲི་འཁུ་ཞེ་སྡང་དག། ལོངས་སྤྱོད་རྫོགས་པའི་སྐུར་གྱུར་པའོ།། འདི་དག་ཕྱི་ཡི་དཀྱིལ་འཁོར་ཏེ།། དཀྱིལ་འཁོར་དབུས་སུ་གང་གྱུར་པ།། དེ་ཉིད་ཀྱི་ནི་དཀྱིལ་འཁོར་ཏེ།། རྡོ་རྗེ་ཅན
iiif viewer powered by OpenSeadragon
