| e-texts navigator |
| Wylie |
515a1 འཕགས།། གང་ཟག་བདག་དང་བྲལ་བའི་ཕྱིར།། ཉན་ཐོས་རང་རྒྱལ་ཐེག་ཆེན་དང་།། རླུང་སོགས་ཆོས་ཀྱི་བདག་གིས་བཅིངས།། དམན་པ་རྣམས་ཀྱི་སྣང་བས
515a2 ཁྱབ། ཐེག་ཆེན་རང་བཞིན་ལྷ་ཡིས་ཁྱབ།། རྣལ་འབྱོར་རྣལ་འབྱོར་ཆེན་པོ་སོགས།། དེ་ཉིད་ཀྱི་ནི་ཁྱད་པར་ཆེ།། ལེགས་པར་བསྟན་གྱིས་ལེགས་པར་ཟུང་།། དེ་ནས་འཁོར་ཐམས་ཅད་དགའ་ཞིང
515a3 ཡི་རངས་པར་གྱུར་ཏོ།། དཔལ་རྡོ་རྗེ་སེམས་དཔའ་ཡེ་ཤེས་གསང་བའི་ཁོན་ཉིད་ཀྱི་རྒྱུད་ཀྱི་རྒྱལ་པོ་རྫོགས་སོ།། རྣལ་འབྱོར་མ་ཙནྡ་མུ་ལེ་དང་། ལོ་ཙྪ་བ་དགེ་སློང་ཤཱཀྱ་ཡེ
515a4 ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤྲཱི་ཛྙཱ་ན་མཱ་ལེ་ཏནྟྲ་རཱཛ། བོད་སྐད་དུ། དཔལ་ཡེ་ཤེས་འཕྲེང་བའི་རྒྱུད་ཀྱི་རྒྱལ་པོ།
515a5 དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཀྱེ་ལགས་གསང་བདག་རྡོ་རྗེ་འཛིན།། གསང་བ་བླ་ན་མེད་པ་ཡི།། ལྟ་བ་ཞེས་པ་གང་ཞིག་ལགས།། སྤྱོད་པ་གང་དང་གང་ལགས་པ།། གཙོ་བོས
515a6 བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ལྟ་བ་ཤེས་རབ་ཕ་རོལ་ཕྱིན།། གདོད་ནས་སྤྲོས་བྲལ་ལྷུན་གྱིས་གྲུབ།། རང་གིས་ཡེ་ཤེས་དབྱིངས་ན་གསལ།། མ་རིག
515a7 མུན་པས་བསྒྲིབས་པ་མེད།། ཤེས་རབ་སྙིང་པོ་རྩེར་བྱུང་བ།། ལྟ་བ་ཀུན་གྱི་ཡང་རྩེ་ཡི།། དོན་དམ་རང་རིག་ཡེ་ཤེས་ལ།། བླང་བ་མེད་ཅིང་དོར་བ་མེད།། དམན་དང་གྱ་ནོམ་གཉིས་ཀ་མེད།། སྒོམ
iiif viewer powered by OpenSeadragon
