| e-texts navigator |
| Wylie |
513a1 རྗེས་སུ་ཡི་རང་ནས་ཕྱི་ནང་གསང་བའི་མཆོད་པས་མཆོད་ནས། གཡོན་ཕྱོགས་ནས་ལན་གསུམ་བསྐོར་བ་བྱས་ནས་མི་སྡང་བར་གྱུར་ཏོ།། དཔལ་སྟོབས་པོ་ཆེའོ།
513a2 རྒྱུད་ཀྱི་རྒྱལ་པོ་རྫོགས་སོ།། ། པཎྜི་ཏ་ག་ཡ་དྷ་ར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །
513a3 རྒྱ་གར་སྐད་དུ། ཤྲཱི་ཛྙཱ་ན་གུ་ཧྱ་ཏནྟྲ་རཱ་ཛ། བོད་སྐད་དུ། དཔལ་ཡེ་ཤེས་གསང་བའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ།། བྱང
513a4 ཆུབ་ཆེ་ཕྱོགས་སུམ་ཅུ་རྩ་བདུན་གྱི།། རང་ལུས་རྩ་འཁོར་བཞི་ཡི་གཙོ་བོ་ཡི།། སྙིང་པོ་དེ་ལ་ཡང་དག་ཕྱག་འཚལ་ལོ།། དབང་བཞིའི་དེ་ཉིད་བདག་ལ་གསུངས།། ཉོན་ཙོག
513a5 རྡོ་རྗེ་སྙིང་པོའི་བདག། བསྐྱེད་པའི་རིམ་པའི་ལྷ་རྣམས་ཀྱི།། དེ་ཉིད་དང་པོར་བཤད་བྱ་སྟེ།། དྲུག་ཅུ་རྩ་བཞི་དཔེ་བྱད་ཡིན།། སུམ་ཅུ་རྩ་བདུན་བྱང་ཆུབ་ཕྱོགས།། ལྔ་ནི་ཡེ
513a6 ཤེས་ལྔ་ཡིན་ཏེ།། དཔའ་བོ་གཅིག་པ་ཆོས་ཀྱི་དབྱིངས།། ཕྱག་མཚན་སྐུ་མདོག་གཞན་ནས་གསུངས།། གུ་ཧྱའི་རྡོ་རྗེ་དྲིལ་བུའི་ཚད།། ནས་དང་སོར་ཚིགས་ཡིན་པར་འདོད།།
513a7 དེ་ཉིད་ཐབས་དང་ཤེས་རབ་ཡིན།། དོན་དམ་ཉིད་ལ་དབྱེར་མེད་དེ།། བསྒོམ་བྱ་མེད་དེ་སྒོམ་པ་མེད།། བསྒོམས་པས་ཐོབ་པ་ཅི་ཡང་མེད།། རྒྱུ་དང་རྐྱེན་གྱིས་བསྐྱེད་དུ་མེད།། སེམས་ཀྱི་གཞི།
iiif viewer powered by OpenSeadragon
