| e-texts navigator |
| Wylie |
283a1 བལ་ཅིངས་ཡོན་ཏན་འབར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། རྒྱ་གར་སྐད་དུ། ཡོ་གི་ནཱི་སཉྩཱ་ནྱ
283a2 བོད་སྐད་དུ། རྣལ་འབྱོར་མའི་ཀུན་ཏུ་སྤྱོད་པ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། གང་གི་དྲིན་གྱིས་བདེ་ཆེན་གནས།། སྐད་ཅིག་གིས་ནི་ཐོབ་གྱུར་པ།། བླ་མ་རིན་ཆེན་ལྷ
283a3 བུ་ཡི།། རྡོ་རྗེ་ཅན་ཞབས་པད་ལ་འདུད།། དེ་ནས་ཡང་དག་བཤད་བྱ་བ།། ཀུན་ཏུ་སྤྱོད་པའི་ཆོ་ག་མཆོག། འཁོར་ལོ་གསུམ་བདག་འདི་བསྒོམ་པ།། རྣལ་འབྱོར་ལམ་ལ་གནས་པ་ཡིན།། ལུགས་འབྱུང་ལུགས
283a4 ལས་བཟློག་པར་ནི།། རྒྱུད་དུ་སྦས་པར་གནས་གང་དེ།། བསྟན་པ་འདི་རུ་ཇི་སྐད་གསུངས།། བཤད་པ་ཡང་ནི་དེ་བཞིན་ནོ།། སོ་སོར་བསྟན་པ་མ་ལུས་ཉིད།། བརྡ་ཡི་ཆོ་ག་རྒྱས་པ་ཡིན།། གང་གིས་ཤེས་པ
283a5 ཙམ་གྱིས་ནི།། སྒྲུབ་པ་པོ་ཡིས་གྲུབ་ཐོབ་པ།། སུམ་ཅུ་རྩ་བདུན་ཚུལ་གྱིས་ནི།། བྱང་ཆུབ་ཕྱོགས་ལ་གནས་པ་ཡིན།། འཇིག་རྟེན་དུ་ནི་བསྒོམ་བྱར་བཤད།། ཧེ་རུ་ཀ་དཔལ་འགྲོ་བའི་མཆོག། དེ་ལ་ཐོག་མར
283a6 རྣལ་འབྱོར་གྱི་དབང་ཕྱུག་གིས་ཕུང་པོ་ལྔ་ལ་ལྷའི་ང་རྒྱལ་བསྐྱེད་པར་བྱ་བ་སྟེ། གཟུགས་ཀྱི་ཕུང་པོ་ལ་ནི་རྣམ་པར་སྣང་མཛད་དོ།། ཚོར་བའི་ཕུང་པོ་ལ་ནི་རྡོ་རྗེ་ཉི་མའོ།། འདུ་ཤེས་ཀྱི་ཕུང་པོ་ལ་ནི་པདྨ་གང
283a7 གྱི་དབང་ཕྱུག་གོ།། འདུ་བྱེད་ཀྱི་ཕུང་པོ་ལ་ནི་རྡོ་རྗེ་རྒྱལ་པོའོ།། རྣམ་པར་ཤེས་པའི་ཕུང་པོ་ལ་ནི་རྡོ་རྗེ་སེམས་དཔའ་སྟེ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ནི་ཤྲཱི་ཧེ་རུ་ཀ་རྡོ་རྗེའོ།། མིག་གཉིས་ལམ
iiif viewer powered by OpenSeadragon
