| e-texts navigator |
| Wylie |
6b1 རྣམས་ལས་མངོན་སུམ་བདག། བྱང་ཆུབ་ལུང་བསྟན་ཐོས་ནས་སུ།། རྟག་ཏུ་དགའ་དང་ལྡན་འགྱུར་ཞིང་།། དེ་ནི་དོགས་པ་མེད་པར་འགྱུར།། མཁས་པ་གང་ཞིག་མཚན་འདི་དག། ཐོས་ནས་རབ་ཏུ།
6b2 འཛིན་བྱེད་པ།། དེ་ནི་ཡོན་ཏན་འདི་དག་དང་།། རྒྱ་ཆེར་གཞན་ཡང་ལོས་ཀྱང་ཐོབ།། ཐུབ་པ་དྲང་སྲོང་ཆེ་གྱུར་པ།། འདི་དག་རྣམས་ཀྱི་མཚན་ཐོས་ནས།། མི་གང་མཚན་རྣམས་འཛིན་བྱེད་པ།
6b3 རྫུ་འཕྲུལ་ཆེ་མཁས་བསོད་ནམས་འདོད།། དེ་ལྟ་བས་ན་བདག་ཉིད་ཆེ།། དེ་དག་རྣམས་ཀྱི་མཚན་ཐོས་ནས།། སྐྱེས་བུ་མཁས་པས་གཟུང་བྱ་ཞིང་།། གཞན་དག་ལ་ནི་བཤད་པར་བྱ།། བཅོམ་ལྡན
6b4 འདས་ཀྱིས་དེ་སྐད་ཅེས་བཀའ་སྩལ་ནས།། ཚེ་དང་ལྡན་པ་ཤཱ་རིའི་བུ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག
6b5 རྟེན་མི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དཀྱིལ་འཁོར་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །
6b6 རྒྱ་གར་སྐད་དུ། ཨཱརྱ་མཉྫུ་ཤཱི་བི་ཀྲི་ཌཱི་ཏི་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་འཇམ་དཔལ་རྣམ་པར་རོལ་པ་ཞེས་བྱ་བ་ཐེག་པ་ཆེན་པོའི་མདོ།།
6b7 བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ
iiif viewer powered by OpenSeadragon
