| e-texts navigator |
| Wylie |
38a1 མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། རྒྱ་གུར་སྐད་དུ། བིནྡྷ་ཏཱི་བི་ན་ས་བི་བྷང་ག་བོ་ན།
38a2 དུ། དགེ་སློང་མའི་འདུལ་བ་རྣམ་པར་བྱེད་པ།། ། བམ་པོ་དང་པོ།། ཐམས་ཅད་མཁྱེན་པ་ལ་ཕྱག་འཚལ་ལོ།། རྒྱལ་པོ་འདུལ་བརྗེ་ཡི་རིགས་སུའིཁྲུངས།། སློབ་མ་དུལ་མཛད
38a3 ཉེས་པ་རབ་ཐུལ་བ།། སངས་རྒྱས་འདུལ་བའི་གཙོ་དང་ཆགས་བྲལ་ཆོས།། རྡུལ་དང་བྲལ་བའི་ཚོགས་ལ་ཕྱག་འཚལ་ཏེ།། དགེ་སློང་མ་ཡི་སོ་སོར་ཐར།། རྣམ་བྱེད་ཧ་ཅང་བསྡུས་པ་དང་།།
38a4 རྒྱས་པ་མ་ཡིན་བརྗོད་པར་བྱས།། འདུལ་བ་དེ་ནི་ང་ལས་ཉོན།། བསྐལ་པ་བྱེ་བ་རྣམས་སུ་ཡང་།། འདུལ་བ་ཐོས་པར་འགྱུར་བ་དང་།། གཟུང་དང་འཛིན་པ་རྙེད་དཀའ་སྟེ།། སྒྲུབ་པའང་ཤིན་ཏུ།
38a5 རྙེད་པར་དཀའ།། སངས་རྒྱས་རྣམས་ནི་འབྱུང་བ་བདེ།། ཆོས་བསྟན་པ་ཡང་བདེ་བ་ཡིན།། དགེ་འདུན་མཐུན་པ་བདེ་བ་སྟེ།། མཐུན་པ་རྣམས་ཀྱི་དཀའ་ཐུབ་བདེ།། ཆོས་ཐོས་པ་དང་མཐོང
38a6 ཡི།། དབེན་པར་དགའ་བ་བདེ་བ་ཡིན།། འཇིག་རྟེན་སྲོག་ཆགས་འབྱུང་པོ་ལ།། མི་ཚེ་ཡང་དག་སྡོམ་པ་བདེ།། འཇིག་རྟེན་འདོད་ཆགས་བྲལ་བ་དང་།། འདོད་པ་རྣམས་ལས་རྒྱལ་བ་བདེ།། ངའོ།
38a7 ང་རྒྱལ་དུལ་བ་གང་།། དེ་ནི་མཆོག་ཏུ་བདེ་བ་ཡིན།། ཚུལ་ཁྲིམས་ལྡན་པ་མཐོང་བ་བདེ།། མང་དུ་ཐོས་པ་མཐོང་བ་བདེ།། ཡང་སྲིང་རྣམས་པར་གྲོལ་བ་ཡི།། དགྲ་བཅོམ་པ་དག་མཐོང་བ་བདེ།
iiif viewer powered by OpenSeadragon
