| e-texts navigator |
| Wylie |
23b1 ལེགས་སོ་ཞེས་བྱ་བ་གསུངས་ནས་སྟན་ལ་འཁོད་དོ།། བྱང་ཆུབ་སེམས་དཔའ་འབུམ་ཕྲག་ལྔ་སྟོང་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ
23b2 མངོན་པར་བསྟོད་དོ། ། པདྨ་ཅོད་པན་ཞེས་བྱ་བའི་རྒྱུད་ལེའུ་བཅུ་གཅིག་པ་རྫོགས་སོ།། ། པཎྜི་ཏ་དྷརྨ་ཤྲཱི་མི་ཏྲ་དང་། ལོ་ཙ་བ་ཆོས་ཀྱི་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།
23b3 ། རྒྱ་གར་སྐད་དུ། ལོ་ཀི་ཤྭ་ཀལྤ། བོད་སྐད་དུ། འཇིག་རྟེན་དབང་ཕྱུག་གི་རྟོག་པ། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ
23b4 ལོ། ། སངས་རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ་ལོ།། དགེ་འདུན་ཕྱག་འཚལ་ལོ།། འཇིག་རྟེན་མགོན་པོའི་རྟོག་པ་ནི། མདོར་བསྡུས་འདིར་ནི་བརྗོད་བྱ་སྟེ།། སངས་རྒྱས་ཐམས་ཅད་རྒྱུན་ཆེན་པོ།། འདོད
23b5 པའི་དོན་ཀུན་ར་བ་སྟེར་བ། ། དང་པོར་རེ་ཞིག་རིག་པ་འཛིན་པས་གཙང་ཞིང་དབེན་པའི་ས་ཕྱོགས་སུ། ཧཱུཾ་གིས་དག་པར་བྱས་པས་ཉེ་བར་འདུག་ཅིང་པདྨའི་ཕྱག་རྒྱ་བཅིངས་ལ། ཨོཾ་ཤཱ་ནྱ་ཏཱ་ཛྙཱ་ན་བཛྲ་སྭ་བྷ་བ་ཨཱཏྨ
23b6 ཀོཧཾ། ཞེས་བརྗོད་ལ། ཐམས་ཅད་སྟོང་པའི་རྣམ་པར་བསམ་པར་བྱའོ།། དེའི་རྗེས་ལ། ཨོཾ་ཙིཏྟ་པྲ་ཏི་བོ་དྷཾ་ཀ་རོ་མི། དེ་ལྟར་བརྗོད་ལ། སྣ་ཚོགས་པདྨ་འདབ་མ་བརྒྱད་པར་བསྒོམས་ནས། པདྨའི་སྟེང་དུ་ཟླ་བའི
23b7 དཀྱིལ་འཁོར་བསམ་པར་བྱའོ། ། ཟླ་བའི་སྟེང་དུ་ཧྲཱིཿའི་སྔགས་གྱུར་པ་ལས་བདག་ཉིད་འཇིག་རྟེན་དབང་ཕྱུག་ཏུ་བསྒོམ་པར་བྱ་སྟེ། སེམས་དཔའི་སྐྱིལ་མོ་ཀྲུང་གིས་བཞུགས་པ།། ཕྱག་གཉིས་པ། མདོག་དམར་བ།
iiif viewer powered by OpenSeadragon
