| e-texts navigator |
| Wylie |
175b1 ཕྱག་འཚལ་དཔལ་ལྡན་ཚོགས་བདག་ཅེ།། ཕྱག་འཚལ་དཔལ་ལྡན་གི་ཁྲོམ།། དངོས་གྲུབ་འབྱུང་བའི་རྒྱུད་ལས། ཚོགས་ཀྱི་བདག་པོ་ལ་བསྟོད་པའི་ལེཝཾ་སྟེ་བཅོ་ལྔ་པའོ།། ཚོགས་ཀྱི་བདས་པ་རྒྱ
175b2 དངོས་གྲུབ་འབྱུང་བ་ཞེས་བྱ་བ་རྫོགས་སོ། ། ། རྒྱ་གར་གྱི་མཁན་པོ་དྲི་པཾ་ཀ་ར་ཤྲཱི་ཛྙཱ་ནས། འཇིག་རྟེན་དངོས་གྲུབ་ཆེད་དུ་ནི།། རྒྱ་གར་ཡུལ་ནས་བསྣམས་ནས་བྱོན།། རྒྱལ་བའི་འབྱུང་གནས་ལ་བཏང
175b3 ནས། ། རྒྱུད་འདི་བསམ་པས་གྲུབ་པ་ཡིན། རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ཏནྟྲ། བོད་སྐད་དུ། དཔལ་ནག་པོ་ཆེན་པོའི་རྒྱུད། དབང་གི་རྟ་མཆོག་སྐུ་ལ་ཕྱག་འཚལ
175b4 ལོ། ། འདི་སྐད་བདག་གིས་ཐོས་པ་དུས་གཅིག་ན། ཤར་ལྷོའི་དུར་ཁྲོད་ཆེན་པོ་ཧ་ཧ་དྲག་ཏུ་དགོད་པའི་གནས་ཤིང་ཙན་དན་གྱི་ནགས་ཀྱི་ཚལ་རབ་ཏུ་དགའ་བའི་མིང་ཞེས་བྱ་བ་མི་མ་ཡིན་ཕོ་མོ་མང་པོ་འདུས་པའི་ཕོ་བྲང་དུ། དཔལ་ནག
175b5 པོ་ཆེན་པོ་ཞེས་བྱ་བ་བི་ན་ཡ་ཀ་ལ་སོགས་ཏེ་འཁོར་གདུག་པ་ཅན་རྣམས་ཀྱི་དབུས་ན་སྐྱེ་འགྲོ་སེམས་ཅན་རྣམས་ཀྱི་སྲོག་དབུགས་ལ་དབང་བྱེད་པའི་ནག་པོ་ཆེན་པོ་ཞེས་བྱ་བ་གཅིག་ཡོད་དེ། དེའི་ཚེ་དེའི་དུས་ན་ནུབ་ཕྱོགས་ཀྱི་འཇིག
175b6 རྟེན་གྱི་ཁམས་ན་མཐར་བྱེད་རྟའི་རྒྱལ་པོ་ཞེས་བྱ་བ་རྒྱལ་པོ་ཆེན་པོ་བཞི་ལ་སོགས་པའི་འཁོར་གྱིས་བསྐོར་ཏེ། དྲེགས་པ་ཅན་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལྕགས་ཀྱུའི་ཕྱག་རྒྱ་བཅས་ནས། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ
175b7 ཧུ་ལུ་ཧུ་ལུ་ཧཱུཾ་བཾ། ཞེས་བརྗོད་པས། དུར་ཁྲོད་ཧ་ཧ་དྲག་ཏུ་དགོད་པའི་གནས་ནས་ནག་པོ་ཆེན་པོ་རང་དབང་མེད་པར་མཐར་བྱེད་རྟའི་རྒྱལ་པོའི་མངོན་དུ་བྱུང་སྟེ་ལས་ཅི་བྱ་ཟེར་ཞིང་རང་རྟགས་སྲོག་གི་སྙིང་པོ་འདི་མདོངས་གསོལ་དུ་ཕུལ
iiif viewer powered by OpenSeadragon
