| e-texts navigator |
| Wylie |
300a1 བྱའོ། ། སྙིང་རྗེའི་མཆོག་ཅེས་བྱ་བའི་གཟུངས་རྫོགས་སོ།། རྒྱ་གར་སྐད་དུ། ཀྲོ་དྦྷ་བི་ཛ་ཡ་ཀཥྚ་གུ
300a2 ཏཱནྟྲ། བོད་སྐད་དུ། ཁྲོ་བོ་རྣམ་པར་རྒྱལ་བའི་རྟོག་པ་གསང་བའི་རྒྱུད། བཅོམ་ལྡན་འདས་འཇམ་པའི་དབྱངས་ལ་ཕྱག་འཚལ་ལོ།། དེ་ནས་འཇམ་པའི་དབྱངས་ཀྱི་ནི།། ཁྲོ་བོ་འདི
300a3 མིང་གཤིན་རྗེ་གཤེད། ། མཚོན་ཆ་མེ་ལྕེ་འབར་བས་འཁྲུགས།། དྲག་ལ་མཐུ་རྩལ་དྲག་ལྡན་པ།། དེ་མཐོང་ནས་ནི་ཁྲོ་བོ་གཞན།། ཐམས་ཅད་ཀྱི་ནི་ལག་ཆ་ཤོར།། དེ་བཞིན
300a4 དུ་ནི་འཇིག་རྟེན་པའི། ། ལྷ་རྣམས་ལུས་ཀྱིས་འདུད་པར་བྱེད།། གཞན་ཡང་ཐལ་མོ་སྦྱར་བྱས་ཏེ།། སྐྲག་ནས་བསྟོད་པ་མང་པོ་བྱེད།། ལྷ་རྣམས་མང་པོ་ཇི་སྙེད་ཀུན།། འཇམ་དཔལ་ཁྲོ
300a5 བོའི་གཟིང་བརྗིད་ཀྱིས། ། གཟིར་བཞིན་དུ་ནི་རངབ་སྨྲས་པ།། བཅོམ་ལྡན་བདག་ཅག་སངས་རྒྱས་དང་།། ཆོས་དང་དགེ་འདུན་སྐྱབས་མཆིས་ཀྱི།། རབ་ཏུ་མི་བཟད་འཇིགས་པའི་གཟུགས
300a6 གཟི་བརྗིད་འབར་བས་ཕྱོགས་ཁྱབ་པ། ། ཁམས་གསུམ་འཁྲུགས་པར་མཛད་པ་མཐོང་།། གང་ཚེ་ལྷ་དང་ལྷ་མིན་རྣམས།། སྐྲག་ནས་སྐྱབས་སུ་དོང་བ་ན།། དེ་ཚེ་འཇམ་པའི་དབྱངས
300a7 ཀྱི་ནི། ། ཁྲོ་ངོ་སླར་ཡང་ནི་རབ་འགྱུར།། གཤིན་རྗེ་གཤེད་ཅེས་བྱ་བ་ཡི།། ཁྲོ་བོ་ཆེན་པོ་ཞི་བ་ལ།། དེ་ནས་སྐྱབས་སུ་དོང་བ་ཡི།། ལྷ་རྣམས་ཀུན་གྱིས་ཞུས་པ་ནི།། ཁྱོད་ཀྱི
iiif viewer powered by OpenSeadragon
