| e-texts navigator |
| Wylie |
236b1 དཔལ་འདི་དག་ལ་སོགས་པ་གཟུངས་འདི་རྣམས་ཀྱིས་སྒྲུབ་པ་དག་ནི་གང་དུ་སྦྱོར་བ་དེའི་དངོས་གྲུབ་སྦྱིན་པར་བྱེད་དོ། ། འདོད་པ་དང་། སྦྱོར་བ་ཐ་དད་པ་དང་། སྦྱོར་བ་མང་ཡང
236b2 རུང་ཉུང་ཡང་རུང་བས་ཀྱང་སྒྲུབ་པར་བྱེད་དོ། ། འཇམ་དཔལ་གཞན་ཡང་གཟུངས་སྔགས་འདི་དག་འཛིན་པ་དང་སྒྲུབ་པ་རྣམས་ལ་ནི་བགེགས་རྣམས་ཀྱི་སྐབས་མེད་དོ།། ལག
236b3 ན་རྡོ་རྗེ་དབང་བསྐུར་བ་ལས། དེ་བཞིན་གཤེགས་པ་ཐམས་ཅད་ཀྱི་ཡུམ་རྣམས་ཀྱི་དངོས་གྲུབ་སྒྲུབ་པའི་ཆོ་ག་རྫོགས་སོ།། ། འཕགས་པ་ལག་ན་རྡོ་རྗེ་དབང
236b4 བསྐུར་བའི་རྒྱུད་ཆེན་པོའི་རྒྱལ་པོ་རྫོགས་སོ། ། ། རྒྱ་གར་གྱི་མཁན་པོ་ཤཱི་ལནྡྲ་བོ་དྷི་དང་། ཞུ་ཆེན་གྱི་ལོ་ཙ་བ་བན་དྷེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ
236b5 ཕབ་པ། ། ། རྒྱ་གར་སྐད་དུ། ཨཱརྱ་ཨཥྨ་དེ་བཱི་དྷཱ་ར་ནི། བོད་སྐད་དུ། འཕགས་པ་ལྷ་མོ་བརྒྱད་ཀྱི་གཟུངས། སངས
236b6 རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། དེ་ནས་ཕྱག་ན་རྡོ་རྗེས་དེ་བཞིན་གཤེགས་པའི་ཡུམ་སྡིག་པ་ཐམས་ཅད་བྱང་བར་མཛད་མ། ནད་ཐམས་ཅད་རབ
236b7 ཏུ་ཞི་བར་མཛད་མ། བགེགས་ཐམས་ཅད་རབ་ཏུ་འཇིགས་པར་མཛད་མ། ཕུན་སུམ་ཚོགས་པ་ཐམས་ཅད་མཛད་མ། གཟུངས་སྔགས་ཆེན་མོའི་རྒྱལ་མོའི་མཆོག་འདི
iiif viewer powered by OpenSeadragon
