| e-texts navigator |
| Wylie |
17a1 བདག་ཅག་རྗེས་ཡི་རང་། ། ལེགས་སོ་ལེགས་སོ་ལེགས་པར་གསུངས།། བདག་ཅག་ཡང་དག་རྫོགས་པ་ཡི།། བྱང་ཆུབ་ཐོབ་པའི་དོན་ཆེན་མཛད།། འགྲོ་བ་མགོན་མེད་རྣམས་དང་ནི།། རྣམ
17a2 གྲོལ་འབྲས་བུ་འཚལ་བ་ཡི། ། རྣམ་དག་ལེགས་པའི་ལམ་འདི་ནི།། སྒྱུ་འཕྲུལ་དྲ་བའི་ཚུལ་བསྟན་པ།། ཟབ་ཅིང་ཡངས་ལ་རྒྱ་ཆེ་བ།། དོན་ཆེན་འགྲོ་བའི་དོན་བྱེད་པ།། སངས་རྒྱས་རྣམས་ཀྱི་ཡུལ་འདི་ནི།། རྫོགས
17a3 པའི་སངས་རྒྱས་ཀུན་གྱིས་བཤད། ། རྣལ་འབྱོར་ཆེན་པོའི་རྒྱུད་སྒྱུ་འཕྲུལ་དྲ་བ་སྟོང་ཕྲག་བཅུ་དྲུག་པའི་ཏིང་ངེ་འཛིན་དྲ་བའི་ལེའུ་ལས་བྱུང་བ། འཇམ་དཔལ་ཡེ་ཤེས་སེམས་དཔའི་དོན་དམ་པའི་མཚན་ཡང་དག་པར་བརྗོད་པ
17a4 བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གསུངས་པ་རྫོགས་སོ། ། ། ཐུན་མོང་དང་ཐུན་མོང་མ་ཡིན་པའི་གསུང་རབ་ཐམས་ཅད་ལ་དབང་འབྱོར་པའི་བདག་ཉིད་ཆེན་པོ་བླ་མངས
17a5 པ་ཆོས་ཀྱི་རྒྱལ་པོའི་བཀའ་དྲིན་གྱིས་ཉེ་བར་བསྐྱངས་པ་སྒྲ་བསྒྱུར་གྱི་ལོ་ཙ་བ་བློ་གྲོས་བརྟན་པས། བསམ་གཏན་གླིང་གིས་དབེན་གནས་སུ་བསྒྱུར་ཞིང་དག་པར་བྱས་པའོ།། སྔོན་གྱི་སྒྲ་བསྒྲུང་ཆེན་པོ་དེ་དག་གིས།
17a6 རྒྱུད་འདི་བསྒྱུར་ཞིང་ཀུན་ལ་གྲགས་ལགས་མོད།། འོན་ཀྱང་སྒྲ་དོན་གཙུག་ལག་ཇི་བཞིན་དུ།། རྒྱུད་འདི་བློ་བརྟན་གཉིས་པས་ལེགས་པར་བསྐུར།། །། རྒྱ་ག
17a7 སྐད་དུ། མཱ~ཾ་ཡཱ་ཛྭ་ལ་མ་ཧཱ་ཏནྟ་རཱ་ཛཱ་ནཱ་མ། བོད་སྐད་དུ། རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། @
iiif viewer powered by OpenSeadragon
