| e-texts navigator |
| Wylie |
363b1 ། དྲག་པོའི་སྦྱོར་བ་འདི།། དབང་བསྐུར་སྣང་བ་མེད་པ་དང་།། ཚུལ་ངན་ལང་ཚོ་ཕྲ་བ་དང་།། ང་རྒྱལ་དྲེགས་ཤིང་ཁེངས་པ་དང་།། ཐེག་པ་ཆེ་ལ་མ་མོས་ལ།། ཡི་གེ་ཙམ་ཡང་བསྟན་པ་མིན།། གལ་ཏེ་བརྒྱ་ལམ་རྨོད།།
363b2 པ་འགས།། བསྟན་ན་རང་ཉིད་ཕུང་བར་བྱེད།། དེ་སྐད་དུ་ཁམས་གསུམ་ལས་རྣམ་པར་རྒྱལ་བ་ཞེས་བྱ་བའི་འོད་ཟེར་དེ་སླར་རང་གི་ཐུགས་ཀར་བསྡུས་ནས་ཞལ་ཐམས་ཅད་ཞལ་ལ་ཐིམ་ཞིང་། ཕྱག་ཐམས་ཅད
363b3 ཕྱག་ལ་ཐིམ་ནས། ཞལ་གཅིག་ཕྱག་གཉིས་པོར་གྱུར་ཏེ། ཧཱུཾ་ཧཱུཾ་ཧཱུཾ་ཞེས་པའི་གླུ་བླངས་སོ།། འདི་ལ་ཇི་ལྟར་དམིགས་བྱས་བཞིན།། ལྷ་རྣམས་ཀུན་ལ་དམིགས་པར་འགྱུར།། གསང་སྔགས་འབུམ་དུ
363b4 བརྗོད་བྱས་ནས། ། བསྙེན་པའི་དམ་པ་འདི་འགྲུབ་བོ།། འདས་དང་མ་འདས་འོང་འགྱུར་བའི།། སངས་རྒྱས་རྣམས་ཀྱིས་སྔགས་འདི་བཤད།། འདི་ནི་སངས་རྒྱས་ཀུན་གྱི་གསང་།། ཡེ་ཤེས་ཆེན་པོ་ཞེས་བརྗོད་དོ།།
363b5 དེནས་འཁོར་དེ་དག་ཐམས་ཅད་ནི་གཙོ་བོའི་ཐུགས་ཀར་ཐིམ་པར་གྱུར་ཏོ།། ཀཱ་ཡེ་རྡོ་རྗེ་ཆེན་པོ་ནི།། ལག་ན་རྡོ་རྗེ་སྟོབས་པོ་ཆེ།། དུས་གསུམ་སངས་རྒྱས་ཐམས་ཅད་ཀྱི།། གསང་བའི་མཛོད་འཛིན་གྱུར་པའོ།།
363b6 བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་གྱི་རྡོ་རྗེ་གདེངས་པའི་རྒྱུད་ལས། ཁམས་གསུམ་རྣམ་པར་རྒྱལ་བ་ཞེས་བྱ་བའི་ལེའུ་རྫོགས་སོ།། ། པཎྜི་ཏ་ཨ་ཌ་ཡ་ཤྲཱི་མ་ཏི་ཞེས་བྱ་བ
363b7 དང་། ཐོད་ཀྱི་ལོ་ཙ་བ་བན་དེ་ཆོས་ཀྱི་དབང་ཕྱུག་གྲགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། @། རྒྱ་གར་སྐད་དུ། ཤྲཱི་བཛྲེ་ཙཎྜ་ཙིཏྟ་གུ
iiif viewer powered by OpenSeadragon
