| e-texts navigator |
| Wylie |
265a1 ལས་ལངས་ཏེ་སེམས་ཅན་གྱི་དོན་བྱས་ནས་ཡང་དག་པའི་མཐའ་ཉིད་དུ་འཇུག་པར་བྱེད་དོ། ། དེ་ནས་བྱམས་པ་ལ་སོགས་པ་བྱང་ཆུབ་སེམས་དཔའ་ཆེན་པོ་རྣམས་དགའ་ཞི
265a2 མགུ་ལ་ཡི་རངས་ཏེ་དགའ་བ་དང་ཡིད་བདེ་བ་སྐྱེས་ནས་ཅང་མི་སྨྲ་བར་གྱུར་ཏོ། ། ཡེ་ཤེས་རྡོ་རྗེ་ཀུན་ལས་བཏུས་པ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས། བདེ་བ་ཆེན་པོའི་ལེའུ་སྟེ་རིམ་པར་ཕྱེ་བ
265a3 གཉིས་པའོ། ། རྫོགས་སོ།། ། རྒྱ་གར་གྱི་མཁན་པོ་ཛྙཱ་ན་ཀ་རའི་ཞལ་སྔ་ནས་དང་། ཞུ་ཆེན་གྱི་ལོ་ཙ་བ་ཁུ་སྟོན་དངོས་གྲུབ་ཀྱིས་བསྒྱུར། སྤང་ནས་བླ་མ་དེ་ཉིད
265a4 དང་། དགེ་སློང་ཚུལ་ཁྲིམས་རྒྱལ་བས་ཞུས་ཤིང་གཏན་ལ་ཕབ་པའོ།། ཡེ་ཤེས་རྡོ་རྗེ་ཀུན་ལས་བཏུས།། རྣལ་འབྱོར་ཆེན་པོའི་གསལ་བྱེད་ཡིན།། ཡེ་ཤེས་རང་བཞིན་འཁོར་བ་དང་།། མྱ་ངན་འདས
265a5 པའི་ངོ་བོའོ། ། དེ་གཉིས་དབྱེར་མེད་རྡོ་རྗེ་སྟེ།། ཀུན་འདིར་འདུས་པས་ཀུན་ལས་བཏུས།། དེ་སྟོན་པ་ལ་དེར་བརྟགས་ནས།། གཞུང་ལའང་མིང་དོན་འཚམས་པ་ཡིན།། །
265a6 རྒྱ་གར་སྐད་དུ། ཤྲཱི་བཛྲ་ཧྲི་ད་ཡ་ཨ་ལཾ་ཀཱ་ར་ཏནྟྲ་ནཱ་མ། བོད་སྐད་དུ། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གི
265a7 ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་སྙིང་པོ་བུད་མེད་བཅུའི་དཀྱིལ་ན་ཆ་ཤས་ལྔ་པའི་ཚུལ་དུ་བཞུགས་སོ།། བརྗོད་དུ་མེད
iiif viewer powered by OpenSeadragon
