| e-texts navigator |
| Wylie |
413b1 ཉིད་བསྟན། ། རྡོ་རྗེ་བདུད་རྩི་རྒྱུད་འདི་ནི།། བདེ་འགྲུབ་ཤིན་ཏུ་ཐོབ་དཀའ་བ།། ཡང་དག་རྫོགས་པས་སྐལ་བཟང་ཞིང་།། སྙིང་པོ་ཡེ་ཤེས་འདུས་པ་ཡིན།། རྡོ་རྗེ་བདུད་རྩི་རྒྱུད་ཆེན་ལས། སྒྲུབ་པ་པོ
413b2 གང་དབང་བསྐུར་བ། ། སངས་རྒྱས་བྱང་ཆུབ་སེམས་རྣམས་ཀྱི།། དེ་ལ་ཀུན་གྱིས་ཕྱག་བྱེད་དེ།། ཕྱག་ནི་ལན་གསུམ་བྱས་ནས་སུ།། རྡོ་རྗེ་སློབ་དཔོན་སྐལ་བཟང་མཆོག། དེ་ཉིད་སེམས་ཅན་ཐམས
413b3 ཀྱི། ། འཁོར་བ་ལས་འདྲེན་གཙོ་ཞེས་གསུངས།། རྡོ་རྗེ་བདུད་རྩི་བདེ་ཆེན་པོ།། བཅོམ་ལྡན་རྡོ་རྗེས་དེ་གསུངས་སོ།། རྡོ་རྗེ་བདུད་རྩི་རྒྱུད་ཆེན་པོ།། སྟོན་པས་དགའ་མ་ལ་བསྟན་ནས།། ཕྲ་མོའི་གཟུགས
413b4 སུ་རྡོ་རྗེ་ཅན། ། དེ་ནས་བྷ་ག་ཆེར་བཞུགས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས། བདུད་རྩི
413b5 ལྔ་སྒྲུབ་པའི་ཐབས་བསྟན་པ་ཞེས་བྱ་བའི་ལེའུ་སྟེ་བཅུ་གཅིག་པ་རྫོགས་སོ། ། རྡོ་རྗེ་བདུད་རྩིའི་རྒྱུད་ལོ་ཙབ་གྱི་ཅོ་དྷཱུ་བའི་འོད་ཟེར་གྱིས་བསྒྱུར་ཅིང་ནུས་ཏེ་གཏན་ལ་ཕབ་པའོ།།
413b6 རྒྱ་གར་སྐད་དུ། ཀཱུ་ལ་ལོ་ཀནཱ་ཐཱ་པཉྩ་ད་ཤ་ཀ་ནཱ་མ། བོད་སྐད་དུ། རིགས་ཀྱི་འཇིག་རྟེན་མགོན་པོའི་ལྔ་བཅུ་པ་ཞེ་བྱ་བ། དཔལ་ལྡན་རིགས
413b7 ཀྱི་འཇིག་རྟེན་མགོན་པོ་ལ་ཕྱག་འཚལ་ལོ། ། དེ་ནས་འདི་ནི་མཆོག་ཏུ་གསང་།། འཇིག་རྟེན་ཡང་དག་རྨོངས་པའི་མཆོག། རིགས་དང་རིགས་བྱུང་མངོན་བརྗོད་པས།། གཉིས་མེད་སྔགས་ནི་རབ་བཤད་བྱ།།
iiif viewer powered by OpenSeadragon
