| e-texts navigator |
| Wylie |
4b1 མན་ངག་ཆུ་བོའི་རྒྱུན་འདྲ་བས།། དེཉིང་རྒྱུད་དུ་ཤེས་པར་བྱ།། ཟབ་མོའི་དོན་སྟོན་རྒྱལ་པོར་གསུངས།། རྡོ་རྗེ་ཕག་མོ་ལ་སོགས་རྣམས།། གསང་བའི་གསང་བ་རྨད་བྱུང་འདི།། ཁྱོད་ལ་གཏད་དོ་དམ
4b2 དུ་སྤོས། ། ཀུན་ལ་སྤེལ་ན་དམ་ཚིག་ཉམས།། ཀྱེ་མ་རྒྱུད་འདིའི་དོན་འདི་ལ།། ཕྱོགས་བཅུའི་འཇིག་རྟེན་ཁམས་བཞུགས་པའི།། དཔའ་བོ་མཁའ་འགྲོ་མ་ཡི་ཚོགས།། ཐམས་ཅད་ངོ་མཚར་ཆེར
4b3 སྐྱེས་ཏེ། ། དགའ་ཞིང་མགུ་ནས་ཡི་རང་ངོ་།། དཔལ་ཡེ་ཤེས་འབར་བའི་རྒྱུད་ཀྱི་རྒྱལ་པོ་མཁའ་འགྲོ་མའི་གསང་བ་ལས་ཀྱང་ཆེར་གསང་བ་རྨད་དུ་བྱུང་བ་རྫོགས་སོ།། །། སིང་ག་གླིང
4b4 གི་རྣལ་འབྱོར་མ་ཙནྡྲ་མཱ་ལེ་དང་། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། རྒྱ་གར་སྐད་དུ། ཤྲཱི་ཙནྡྲ་མ་ལེ་ཏནྟྲ་རཱ་ཛ། བོད་སྐད་དུ
4b5 དཔལ་ཟླ་བའི་འཕྲེང་བའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། ཀྱེ་ཧོ་མགོན་པོ་རྡོ་རྗེ་ཅན།། སྒྲོལ་མ་ཉི་ཤུ་རྩ་བཞི་ཡི།། ངེས་པ་གང་ལགས་ཚད་གང་ལགས།། རང
4b6 བཞིན་གྲུབ་པ་ཇི་ལྟར་ལགས། ། མགོན་པོས་བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རང་བཞིན་གྲུབ་པ་སྒྲུབ་འདོད་པས།། བླ་མའི་བཀའ་དྲིན་ལེགས་མནོས་ཏེ།། དུར
4b7 ཁྲོད་ལ་སོགས་ས་ཕྱོགས་སུ། ། བར་ཆད་གསུམ་མེད་ཡོན་ཏན་ལྡན།། བརྟགས་པ་ལས་དང་པོ་ཡི་གནས།། གང་ཟག་མཆོག་ལ་བརྟག་ཏུ་མེད།། ཡོན་ཏན་ལྡན་པའི་སར་འཇུག་སྟེ།། བླ་མེད་སེམས
iiif viewer powered by OpenSeadragon
