| e-texts navigator |
| Wylie |
28a1 སྙིང་པོ་ལ་སོགས་པའི་འཁོར་རྣམས་དགའ་ཞིང་མགུནས་རྗེས་སུ་ཡི་རངས་པར་གྱུར་ཏེ། གཡོན་ཕྱོགས་ནས་བསྐོར་བ་བྱས་ནས་སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ།།
28a2 དཔལ་འཁོར་ལོ་སྡོམ་པ་རྡོ་རྗེ་རྒྱལ་པོའི་རྒྱུད་རྫོགས་སོ།། །། རྣལ་འབྱོར་མ་ཙནྡ་མཱ་ལེ་དང་། ལོ་ཙ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །
28a3 རྒྱ་གར་སྐད་དུ། ཤྲཱི་ཛྙཱ་ནཱ་ཙིནྟ་ཏནྡ་རཱ་ཛ། བོད་སྐད་དུ། དཔལ་ཡེ་ཤེས་བསམ་པའི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག
28a4 གིས་ཐོས་པ་དུས་གཅིག་ན། བཅོམ་ལྡན་འདས་དཔའ་བོ་དང་མཁའ་འགྲོ་མའི་འཁོར་གྲངས་མེད་པ་དང་། ཡེ་ཤེས་གསང་བའི་གནས་ན་ཐབས་གཅིག་ཏུ་བཞུགས་པའི་དུས་སུ་དཔའ་བོ་ཡེ་ཤེས
28a5 མཁའ་འགྲོ་ཞེས་བྱ་བས། བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ་ཐལ་མོ་སྦྱར་ནས་གསོལ་པ། བཅོམ་ལྡན་ཡེ་ཤེས་མངའ་བདག་ཆེ།། ཡེ་ཤེས་ཀྱི་ནི་རང་བཞིན་དང་།། ཡེ་ཤེས་སྐྱེ
28a6 གནས་གང་དང་གང་། ། རྒྱལ་པོ་ཇི་ལྟར་ལགས་པ་དང་།། གང་ལ་དབང་བྱེད་གང་གིས་འདུལ།། དེ་ཉིད་བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། དཔའ་བོ་ཡེ
28a7 ཤེས་མཁའ་འགྲོ་ཉོན། ། ཡེ་ཤེས་ཞེས་བྱ་རྣམ་པ་ལྔ།། དེ་ཉིད་དོན་ལ་ཤེས་པ་དང་།། ལོག་རྟོག་ཤེས་པས་མ་བསྒྲིབས་ཕྱིར།། སྤྱི་བོའི་ཡེ་ཤེས་བཤད་པའོ།། མེ་ལོང་ཡེ་ཤེས་མཉམ་ཉིད
iiif viewer powered by OpenSeadragon
