| e-texts navigator |
| Wylie |
301a1 སྟོང་ཉིད་ཤིན་ཏུ་རྣམ་པར་བསྒོམ།། ལེགས་སོ་ཞེས་ནི་བྱ་བ་བྱིན།། རྒྱུད་རྫོགས་པ་ཡི་སྦྱོར་བ་ལས།། ལེགས་སོ་ལེགས་སོ་ཡེ་ཤེས་ཆེ།། བཤད་པའི་རྒྱུད་ཕྱི་མ་ལས་ཕག་མོ་མངོན།
301a2 བར་འབྱུང་བ་ཞེས་བྱ་བ་རྫོགས་སོ།། ། རྒྱ་གར་གྱི་མཁན་པོ་ཛྙཱ་ན་ཀ་རའི་ཞལ་སྔ་ནས་དང་། ཞུ་ཆེན་གྱི་ལོ་ཙ་བ་ཁུ་སྟོན་དངོས་གྲུབ་ཀྱིས་བསྒྱུར་ཏེ་གཏན་ལ་ཕབ་པའོ།།
301a3 ། དེ་ནས་ཡང་དག་བཤད་བྱ་སྟེ།། འབུམ་ཕྲག་གསུམ་པ་ལས་འབྱུང་བའི་སྒྱུ་འཕྲུལ་དྲ་བ་ཆེན་མོ་རལ་པ་གྱེན་དུ་བརྫེས་པའི་རྒྱུད་ལས་སྒྱུ་མ་ཆེན་མོ་ཞེས་བྱ་བ་སྟེ།
301a4 སྙིང་ཁ་ནས་སྤྲོས་པས་རྨི་ལམ་ལྟ་བུའི་ལུས་དང་ལོངས་སྤྱོད་དམ་པའི་བདེ་བ་གཉིས་སུ་མེད་པར་གྱུར་པ་དང་། འདིར་དེའི་སྟེང་དུ་མ་ནིང་གི་ས་བོན་བལྟ་སྟེ། ས་བོན་དེ་ཡོངས་སུ་གྱུར་པ་ལས་དམར་མོ་ཞལ་སྟེང
301a5 དུ་ཕྱོགས་ཤིང་གྱེན་དུ་གཟིགས་པ། ཞབས་གཡོན་པ་ལ་འཁྱུད་པའི་ཐོད་པའི་འཕྲེང་བ་དང་མེ་ཏོག་གི་འཕྲེང་བ་བཅིངས་པའི་ཕྱག་ཅན་མ། མེ་ཏོག་གི་ཞགས་པ་གཡོན་པའི་ཕྱག་ནའོ།། ཞབས་གཡས་པའི་རྟིང
301a6 པ་ལ་རེག་པའི་གཡས་པ་ན་རྡོ་རྗེའི་ཕྱག་ཅན་མ། རྒྱན་ཐམས་ཅད་སྤངས་པ་མོ། རིག་པ་འཛིན་མའི་རིག་པའི་སྦྱོར་བ་ཅན་མ། སྤྲོ་ཞིང་ཀུན་ཏུ་སྡུད་པའི་ལུས་ཅན་མ། མནྡ་ར་བ་དང་། མྱ་ངན་མེད་པ་དང་། ཡོད
301a7 འདུ་རྣམས་སྐྱེས་པར་གྱུར་པའི་རིན་པོ་ཆེ་བརྩེགས་པའི་ཁང་པར་རབ་ཏུ་འཇུག་པར་བདག་ཉིད་བསྒོམ་པར་བྱའོ། ། ཨོཾ་བཾ་རྡོ་རྗེ་ཕག་མོའོ།། ཧཱ་ཡོཾ་སྔོན་མོ་གཤིན་རྗེ་མའོ།། ཧྲིཾ་མོཾ་རྨོངས་བྱེད་མའོ།། ཧྲེཾ་ཧཱུ~ཾ་ཀུན
iiif viewer powered by OpenSeadragon
