| e-texts navigator |
| Wylie |
217a1 པས་བ་སྤུ་ལངས་པར་གྱུར་པས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཡང་ལྷ་མ་ཡིན་གྱི་དབང་པོ་སྒྲ་གཅན་འཛིན་ལ། ལྷ་མ་ཡིན་གྱི་དབང་པོ་ཐགས
217a2 བཟང་རིས་ཀྱིས་ཚིགསསུ་བཅད་པ་སྨྲས་པ། ཅི་ཕྱིར་ཡིད་ནི་སྐྲག་པར་གྱུར།། སྒྲ་ག་ཅན་འཛིན་གྱིས་ཟླ་བ་ཐོང་།། གཟུགས་ཀྱི་རྣམ་འགྱུར་ཀུན་ཏུ་ངན།། ཅི་ཕྱིར་འཇིགས་པས་འདི་རུ་ལྷགས།
217a3 སྒྲ་གཅན་འཛིན་གྱིས་ཚིག་སྨྲས་པ།། སངས་རྒྱས་ཚིགས་བཅད་ཐོས་ནས་ནི།། ཟླ་བ་བདག་གིས་མ་བཏང་ན།། མགོ་བོ་ཚོལ་པ་བདུན་འགས་ཤིང་།། འཚོ་བ་ལ་ནི་བདེ་བ་མེད།། ཟླ་བའི་མདོ
217a4 རྫོགས་སོ། ། ། པཎྜི་ཏ་ཆེན་པོ་ཨཱ་ནནྡ་ཤྲིའི་ཞལ་སྔ་ནས། མང་དུ་ཐོས་པའི་ལོ་ཙྪ་བ་ཤཱཀྱའི་དགེ་སློང་ཉིན་རྒྱལ་མཚན་དཔལ་བཟང་པོས་སྐད་གཉིས་སྨྲ་བ་རྣམས་ཀྱི
217a5 གདན་ས་གཙུག་ལག་ཁང་ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། ། སའི་སྟེང་དུ་ཉི་མ་དང་ཟླ་བ་ལྟར་གྱུར་ཅིག། སྔ་འགྱུར་ཡང་ཡོད།
217a6 རྒྱ་གར་སྐད་དུ། མ་ཧཱ་མ་གྷ་ལ་སཱུ་ཏྲ། བོད་སྐད་དུ། བཀྲ་ཤིས་ཆེན་པོའི་མདོ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།། འདི་སྐད
217a7 བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེ་ནས་ལྷ་དུ་མ་རྣམས་མཚན་མོ་ཁ་དོག་སྣ་ཚོགས་པ
iiif viewer powered by OpenSeadragon
