| e-texts navigator |
| Wylie |
144b1 ཀྱི་མཛོད་ཀྱི་ཆོས་ཀྱི་ཡི་གེ་རྫོགས་སོ། ། རྒྱ་ལས་འགྱུར་བའི་བརྡ་རྙིང་པར་སྣང་ངོ་།། རྒྱ་གར་སྐད་དུ
144b2 ཀུ་ནཱ་གཱ་རཱ་སཱུ་ཏྲ། བོད་སྐད་དུ། ཁང་བུ་བརྩེགས་པའི་མདོ། ཐམས་ཅད་མཁྱེན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན།
144b3 རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས
144b4 གཉིས་ལ་ཕྱག་འཚལ་ཏེ་འདུག་གོ། ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན་འདས་ཕྱག་བདར་བགྱིས
144b5 པས་དགེ་བའི་རྩ་བ་ཅིར་འགྱུར་ལགས། དཀྱིལ་འཁོར་བགྱིས་པས་ནི་ཅིར་འགྱུར་ལགས། སྐྱབས་སུ་མཆི་བ་དང་བསླབ་པའི་གཞི་རྣམས་ཀྱི་དགེ་བའི་རྩ་བ་ནི་ཅིར་འགྱུར་ལགས། དེ་བཞིན
144b6 གཤེགས་པ་ལ་ཕྱག་འཚལ་བའི་ཐལ་མོ་སྦྱར་བའི་སུག་ལས་ཀྱིས་ནི་ཅིར་འགྱུར་ལགས། བཅོམ་ལྡན་འདས་དགེ་བའི་རྩ་བ་འཁོར་བར་བས་པར་མི་འགྱུར་ཞིང་། ཡོངས་སུ་གཏུགས་པར
144b7 མི་འགྱུར་ལ། བས་མི་འཚལ་བའི་མྱ་ངན་ལས་འདས་པ་ཐོབ་པར་འགྱུར་བ་ནི་གང་ལགས། དེ་བཞིན་གཤེགས་པའི་སྐུ་གཟུགས་བགྱིས་པས་ནི་ཅོར་འགྱུར་ལགས། བཅོམ་ལྡན་འདས
iiif viewer powered by OpenSeadragon
