| e-texts navigator |
| Wylie |
6b1 ཐུབ་པ་རྣམས་ལས་མངོན་སུམ་བདག། བྱང་ཆུབ་ལུང་བསྟན་ཐོས་ནས་སུ།། རྟག་ཏུ་དགའ་དང་ལྡན་འགྱུར་ཞིང་།། དེ་ནི་དོགས་པ་མེད་པར་འགྱུར།། མཁས་པ་གང་ཞིག་མཚན་འདི་དག
6b2 ཐོས་ནས་རབ་ཏུ་འཛིན་བྱེད་པ། ། དེ་ནི་ཡོན་ཏན་འདི་དག་དང་།། རྒྱ་ཆེར་གཞན་ཡང་ལོས་ཀྱང་ཐོབ།། ཐུབ་པ་དྲང་སྲོང་ཆེ་གྱུར་པ།། འདི་དག་རྣམས་ཀྱི་མཚན་ཐོས་ནས།། མི་གང་མཚན་རྣམས
6b3 འཛིན་བྱེད་པ། ། རྫུ་འཕྲུལ་ཆ་མཁས་བསོད་ནམས་འདོད།། དེ་ལྟ་བས་ན་བདག་ཉིད་ཆེ།། དེ་དག་རྣམས་ཀྱི་མཚན་ཐོས་ནས།། སྐྱེས་བུ་མཁས་པས་གཟུང་བྱ་ཞིང་།། གཞན་དག་ལ་ནི་བཤད་པར་བྱ།།
6b4 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཤཱ་རིའི་བུ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི
6b5 འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དཀྱིལ་འཁོར་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །
6b6 རྒྱ་གར་སྐད་དུ། ཨཱརྱ་མཉྫུ་ཤྲཱི་བི་ཀྲི་ཌཱི་ཏི་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་འཇམ་དཔལ་རྣམ་པར་རོལ་པ་ཞེས་བྱ་བ་ཐེག་པ་ཆེན་པོའི་མདོ།
6b7 བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི
iiif viewer powered by OpenSeadragon
