| e-texts navigator |
| Wylie |
283b1 ལས་ཀྱི་རྣམ་པར་སྨིན་པ་ལ་རྟོན་པ། ཁྱོད་དགེ་བའི་ཆོས་མངོན་པར་འདུ་བྱ་བ་བློ་འཇུག་པར་འགྱུར་རོ།། ལྟ་བ་ཆུད་གསོན་པར་བྱེད་པར་མི་འགྱུར་རོ།། ཆད་པ་དང་། རྟོག་པར་ལྟ་བ་ལ་གནས་པར་མི་འགྱུར་རོ།།
283b2 ཁྱེད་ཀྱིས་སྦྱིན་པའི་གནས་རྣམས་མགུ་བར་བྱེད་པར་འགྱུར་རོ།། མགུ་བར་བྱས་ནས་ཀྱང་བསྟི་སྟང་བྱེད་པར་འགྱུར་རོ།། བསྟི་སྟང་བྱས་པའི་རྒྱུ་ལས་བྱུང་བས། ལྷ་དང་བཅས་པའི་འཇིག་རྟེན་གྱིས་བསྟི་སྟང་བྱ་བར
283b3 འགྱུར་རོ། ། ཀླུའི་བདག་པོ་ཆོས་གཅིག་གིས་སེམས་ཅན་ཐམས་ཅད་ཀྱི་ངན་འགྲོ་ངན་སོང་མི་ཁོམ་པའི་ལས་ཐམས་ཅད་ཡང་དག་པར་གཅོད་དོ།། ཆོས་གཅིག་པོ་གང་ཞེ་ན། འདི་ལྟ་སྟེ། བདག་ཇི་ལྟར་གྱུར་ཅིང་ཉིན་ཞག་རྣམས
283b4 འགྲོ་ཞིག་གུ་སྙམ་དུ་དགེ་བའི་ཆོས་རྣམས་ལ་རབ་ཏུ་རྟོག་པའོ། ། དེ་དེ་ལྟར་དགེ་བའི་ཆོས་ལ་རབ་ཏུ་རྟོག་པ་མང་བས་མི་དགེ་བའི་སེམས་ལས་བྱུང་བའི་ཆོས་རྣམས་ཀྱི་གོ་སྐབས་མི་འབྱེད་དོ།། དེ་མི་དགེ་བའི་ཆོས་སྤངས་ཏེ་དགེ
283b5 བའི་ཆོས་དང་ལྡན་པས། བསམ་པ་དགེ་བའི་སེམས་ཅན། འདི་ལྟ་སྟེ། སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་ཉན་ཐོས་དང་། རང་སངས་རྒྱས་རྣམས་ཀྱི་གྲོགས་དང་འགྲོགས་པ་རྙེད་པར་འགྱུར་རོ།།
283b6 ཀླུའི་བདག་པོ་དེ་ལ་དགེ་བའི་ཆོས་རྣམས་གང་ཞེ་ན། དགེ་བའི་ཆོས་རྣམས་ཤེས་བྱ་བ་ནི་ལྷ་དང་། མིའི་ཕུན་སུམ་ཚོགས་པའི་རྩ་བ་དང་རྟེན་ཏོ།། ཉན་ཐོས་དང་། རང་སངས་རྒྱས་ཀྱི་བྱང་ཆུབ་ཀྱི་རྩ་བ་དང
283b7 རྟེན་ཏོ། ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྩ་བ་དང་རྟེན་ཏོ།། དེ་ལ་རྩ་བ་དང་། རྟེན་གང་ཞེ་ན། གང་འདི་དགེ་བ་བཅུའི་ལས་ཀྱི་ལམ་རྣམས་སོ།། དགེ་བ་བཅུའི་ལས་ཀྱི་ལམད
iiif viewer powered by OpenSeadragon
