| e-texts navigator |
| Wylie |
268b1 བཱ་ར་ལྟར་རབ་ཏུ་རྙེད་དཀའ་བ། འཕགས་པ་སོར་མོའི་འཕྲེང་བ་ལ་ཕན་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། ། རྒྱ་གར་གྱི་མཁན་པོ་ཤཱཀྱ་པྲ་བྷ་དང
268b2 ཞུ་ཆེན་གྱི་ལོ་ཙཱ་བ་བན་དྷེ་དྷ་ར་མ་ཏཱ་ཤཱི་ལ་དང་། རྒྱའི་ལོ་ཙཱ་བ་བན་དྷེ་ཏོང་ཨཱ་ཙརྱ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།།
268b3 རྒྱ་གར་སྐད་དུ། ཨཱརྱ་ཏྲ་ཡ་སྟིང་ཤད་པ་རི་བརྟ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་སུམ་ཅུ་རྩ་གསུམ་པའི་ལེའུ་ཞེས་བྱ་བ་ཐེག་པ་ཆེན་པོའི་མདོ།། །
268b4 ། བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས
268b5 སུམ་ཅུ་རྩ་གསུམ་པའི་ལྷའི་ནང་ན། ཤིང་ཡོངས་འདུའི་དྲུང་ན། ཨ་ར་མོ་ནི་ག་ལྟ་བུའི་རྡོ་ལེབས་ལ་བཞུགས་ཏེ། སྐུ་བསྐྲུན་པའི་ཡུམ་ལ་ཐུགས་བརྩེ་བའི་ཕྱིར། དགེ་སློང་བརྒྱད་སྟོང
268b6 གི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་། དགྲ་བཅོམ་པ་ཟག་པ་ཟད་པ། རྫུ་འཕྲུལ་ཆེ་བ། དབང་ཆེ་བར་གྲགས་པ། མཐུ་ཆེན་པོ་ཤ་སྟག་དང་། བྱང་ཆུབ་སེམས་དཔའ་བདུན་ཁྲི་ཉིས་སྟོང།
268b7 ཐམས་ཅད་ཀྱང་། བྱང་ཆུབ་སེམས་དཔའ་མངོན་པར་ཤེས་པས། མངོན་པར་ཤེས་པ། བཟོད་པ་ཐོབ་པ། སྤོབས་པ་ཐོགས་པ་མེད་པ། ཕལ་ཆེར་འཇིག་རྟེན་གྱི་ཁམས་ཐ་དད་པ་ནས།
iiif viewer powered by OpenSeadragon
