| e-texts navigator |
| Wylie |
303a1 འདས་གལ་ཏེ་བདག་སངས་རྒྱས་སུ་འགྱུར་ཞིང་། བུད་མེད་གཞན་གང་གིས་ཆོས་ཀྱི་རྣམ་གྲངས་འདི་ཐོས་ན། ཐོས་པའི་མོད་ལ་བུད་མེད་ཀྱི་དངོས་པོ་ལས་འགྱུར་བ་ལྟ་ན
303a2 བཅོམ་ལྡན་འདས་དེའི་སླད་དུ་ཕུང་པོ་འདི་ཉིད་ལ་བུད་མེད་ཀྱི་དབང་པོ་མི་གདའ་བར་གྱུར་ཏེ། སྐྱེས་པའི་དབང་པོ་བྱུང་བར་གྱུར་ཅིག་ཅེས་སྨྲས་སོ།། དེ་ནས་སྙིང་མོ་དེ་དེ་ཉིད་དུ་བུད་མེད་ཀྱི་དབང་པོ་མི་སྣང་བར་གྱུར
303a3 ཏེ་སྐྱེས་པའི་དབང་པོ་བྱུང་བར་གྱུར་ཏོ། ། དེ་ཡང་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར
303a4 རྫོགས་པའི་སངས་རྒྱས་ཉོན་མོངས་པ་ཐམས་ཅད་ཀློག་པ་ཞེས་བྱ་བར་འགྱུར་རོ་ཞེས་ལུང་བསྟན་ཏོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི
303a5 དཔལ་གྱི་སྙིང་པོ་དང་། དགེ་སློང་དེ་དག་དང་། བྱང་ཆུབ་སེམས་དཔའ་མང་པོ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས
303a6 ཀྱིས་གསུངས་པ་ལ་མངོན་པར་བསྟོད་དོ། ། འཕགས་པ་སྒྱུ་མ་ལྟ་བུའི་ཏིང་ངེ་འཛིན་ཅེས་བྱ་བ་ཐེག་པ་ཆེན་པོའི་ཡང་རྫོག་སོ།། ། རྒྱ་གར་གྱི་མཁན་པོ་དཱ་ན་ཤཱི་ལ་ལ་སོགས་པ་དང་།
303a7 ཞུ་ཆེན་གྱི་ལོ་ཙ་བ་བན་དྷེ་ཡེ་ཤེས་སྡེ་ལ་སོགས་པས་བསྒྱུར་ཅིང་གཏན་ལ་བབ་པའོ།། ། རྒྱ་གར་སྐད་དུ། ཨཱརྱ་སང་གཱ་ཏ་སཱུ་ཏྲ་དྷརྨཨཱ་རྱེ་ཡ།
iiif viewer powered by OpenSeadragon
