| e-texts navigator |
| Wylie |
165b1 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྙན་པས་གཞན་ཡང་འདི་སྐད་བཀའ་སྩལ་ཏོ།། ནད་མེད་མི་རྟག་ལ་ཚེ་ཏག་མ་ཡིན།། འབྱོར་པ་མི་རྟག་སྲོག་ཀྱང་རྟག་མ་ཡིན།
165b2 སྐྱེ་བོ་མིན་ག་ཉིད་ཀྱིས་ཉན་གྱུ་།། དོ་པར་མན་ཏན་དགའ་བ་ཇི་ལྟར་སྟེ།། བཅོམ་ལྡན་འདས་ཀྱིས་དེ་གདནས་བཀའ་སྩལ་ནས། དགེ་སློང་དག་ཡིད་རངས་ཏེ། བཅོམ་ལྡན་འདས་ཀྱིས་གསངས་པ་ལ་མངོན་པར་སྟོད་།
165b3 མི་རྟག་པ་ཉིད་ཀྱི་མ་རྫོགས་སྷོ།། །། རྒྱ་གར་གྱི་མཁན་པོ་སུ་རན་དྲ་བ་དྷི་དང་། ཐུ་ཆེན་གྱི་ལོ་ཙཱ་བ་བན་དེ་ཞང་ཡེ་ཤེས་སྡེས་བསྒྱུར་ཅིང་ཞུས་ནས་སྐད་གས་རབཅད་ཀྱིས་ཀྱང་བསྟན་ནས་གཏན་ལ་ཕབ་པོ།། ། རྒྱ་ག་སྐ
165b4 ཨ་ནི་ཏྱ་སཱུ་ཏྲ། བོད་སྐད་དུ། མི་རྟག་པ་ཉིད་ཀྱི་མདོ།། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན་བཅོམ་ལྡན་འདབ་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི
165b5 ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།། དགེ་སློང་དག་འདུ་བྱེད་ཐམས་ཅད་མི་རྟག་པ་དང་། མི་བརྟན་པ་དང་། ཡིད་བརྟན་དུ་མི་རུང་བ་དང་།
165b6 ཡོངས་སུ་འགྱུར་བའི་ཆོས་ཅན་ཏེ། དགེ་སློང་དག་ཆོག་གིས་འདུ་བྱེད་ཐམས་ཅད་ལས་སེམས་ཟློག་ཤིག། དགེ་སློང་དག་མ་ཆགས་པ་དང་། མ་ཞེན་པ་དང་། རྣམ་པར་གྲོལ་བར་གྱིས་ཤིག། གང་ཡང་སེམས་ཅན་ཐམས་ཅད་དང་།
165b7 འབྱུང་པོ་ཐམས་ཅད་དང་། སྲོག་ཆགས་ཐམས་ཅད་ཀྱི་གསོན་པའི་མཐའ་ནི་འཆི་བ་ཡིན་ཞིང་མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ།། གང་ཡང་ཁྱིམ་བདག་གི་རིགས་ཤིང་ས་ལ་ཆེན་པོ་ལྟ་བུ་འམ།
165b8 བྲམ་ཟེའི་རིགས་ཤིང་ས་ལ་ཆེན་པོ་ལྟ་བུའམ། རྒྱལ་རིགས་ཤིང་ས་ལ་ཆེན་པོ་ལྟ་བུ་ཕྱུག་པ། ནོར་མང་བ། ལོངས་སྤྱོད་ཆེ་བ། ནོར་བུ་དང་། མུ་ཏིག་དང་། བཻ་དཱུརྱ་དང་། ཤད་ཀ་ཤི་ལ་དང་། བྱི་རུ་དང་། གསེར་དང་། དངུལ་དང་། ནོར་དང་། ལོངས
iiif viewer powered by OpenSeadragon
