| e-texts navigator |
| Wylie |
56a1 རྣམས་ཀྱི་མཚན་འཛིན་པ། ། དེ་ལ་སྡིག་དང་ལྡན་པའི་བདུད།། ནག་པོའི་རྩ་ལག་བཞོན་བཅས་པས།། གླགས་ནི་རྙེད་པར་ཡོད་མི་འགྱུར།། ཞིང་རྣམས་བྱ་བ་བསམ་ཡས་སུ།། དེ་ནི་མཁའ་ལས་འགྲོ་འགྱུར
56a2 ཏེ། ། ཕུན་སུམ་ཚོགས་པའི་ཞིང་དེར་ནི།། འཇིག་རྟེན་མགོན་པོ་རྣམས་ལ་བལྟ།། བརྟན་པ་སངས་རྒྱས་རྣམས་མཐོང་ནས།། དད་པ་བཏན་པོ་ཐོབ་པར་འགྱུར།། དེ་ཡི་བསམ་པ་མཁྱེན་ནས་སུ།། མི་མཆོག་རྣམས
56a3 ནི་ལུང་སྟོན་ཏོ། ། ཐུབ་པ་རྣམས་ལས་མངོན་སུམ་བདག། བྱང་ཆུབ་ལུང་བསྟན་ཐོས་ནས་སུ།། རྟག་ཏུ་དགའ་དང་ལྡན་འགྱུར་ཞིང་།། དེ་ནི་དོགས་པ་མེད་པར་འགྱུར།། མཁས་པ་གང་ཞིག་མཚན་འདི་དག། ཐོས
56a4 ནས་རབ་ཏུ་འཛིན་བྱེད་པ། ། ངན་ཡོན་ཏན་འདི་དག་དང་། རྒྱ་ཆེན་གཞན་ཡང་ལོས་ཀྱང་འཐོབ།། ཐུབ་པ་དྲང་སྲོང་ཆ་གྱུར་པ།། འདི་དག་རྣམས་ཀྱི་མཚན་ཐོས་ནས།། མེ་ག་མཚན་རྣམས་འཛིན་བྱེད་པ།། རྫུ་འཕྲུལ
56a5 ཆེ་མཁས་བསོད་ནམས་འདོད། ། དེ་ལྟ་བས་ན་བདག་ཉིད་ཆེ།། དེ་དག་རྣམས་ཀྱི་མཚན་ཐོས་ན།། ཀྱེས་བུ་མཁས་པས་བཟུང་བྱ་ཞིང་།། གཞན་དག་ལ་ཡང་བཤད་པར་བྱ།། བཅོམ་ལྡན་འདས་ཀྱིས་དེ་སྐད་ཅེས
56a6 བཀའ་སྩལ་ནས། ཚེ་དང་ལྡན་པ་ཤཱ་རིའི་བུ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས
56a7 གསུངས་པ་ལ་མངོན་པར་བསྟོད་དོ། ། འཕགས་པ་དཀྱིལ་འཁོར་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ།། རྫོགས་སྷོ།། ། རྒྱ་གར་སྐད་དུ། ཨཱརྱ་མེ་ག་ལ་ཨཥྚ་ཀ་ནཱ་མ་མ་ཧཱ་ཡཱ་ན
56a8 སཱུཏྲ། བོད་སྐད་དུ། འཕགས་པ་བཀྲ་ཤིས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག
iiif viewer powered by OpenSeadragon
