| e-texts navigator |
| Wylie |
308b1 ཀྱི་ནང་དུ་ལྟུང་སྟེ། བྱང་ཆུབ་ཀྱི་ལམ་ནི་འཕྲུལ་ཏོ།། དེའི་མིང་ནི་རྟག་པར་ཁྱབ་པའི་མུ་སྟེགས་ཅན་གཉིས་པའོ།། རིགས་ཀྱི་བུ་དག་ཡང་དག་པ་ཉིད་ལ་ཏིང་ངེ་འཛིན་ལ་རྩེ་གཅིག་དུ་བར་ཆད་མེད་ན། བདུད་ཀྱི་ཐབ
308b2 ཀྱིས་མི་སྨྲས་སོ། ། རང་གི་རྩེ་བའི་རྒྱུ་ཤེས་ཏེ། ཟབ་མོ་དང་བདེ་བ་ལས་བསྟན་ནས་རྟག་པར་བདག་དང་གཞན་དུ་རྟོག་པ་སྐྱེས་ཏེ། དེ་ནི་ཕྱིན་ཅི་ལོག་བཞིའི་ནང་ན་ལྟུང་ནས། ཁ་ཅིག་ནི་མི་རྟག། ཁ་ཅིག་ནི་རྟག
308b3 པར་མཐོང་ངོ་། ། དེ་ལ་གཅིག་ནི་མ་དེས་སེམས་ཅན་གྱི་མཐོང་བ་ལ་ཞིབ་ཏུ་བལྟས་ན། ཕྱོགས་བཅུའི་ཁམས་སུ་ངས་རྟག་པར་ཁྱབ་སྟེ། ཡོད་ནས་མི་གཡོ་སྙམ་ནས་ང་ནི་ཕྱོགས་བཅུར་ཁྱབ་ཅིང
308b4 སཱང་ལ་མི་གཡོ། སེམས་ཅན་ཐམས་ཅད་ངའི་ནང་ནས་རང་སྐྱེ་རང་འཆི་སྟེ། ངའི་རང་བཞིན་ནི་རྟག་པ་ཡིན་ནོ།། ངའི་ནང་ནས་སྐྱེ་ཞིང་འཆི་བ་ད་ནི་མི་རྟག་པའི་རང་བཞིན་སྙམ་མོ།། དེ་ལ་གཉིས་པ
308b5 ནི་མི་དེ་སེམས་ཅན་ལ་མི་ལྟ་བར་ཕྱོགས་བཅུའི་ཁམས་ལ་ཁྱབ་པར་བལྟས་ན། གང་གཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་ནི་བསྐལ་པས་འཇིག་པའི་གནས་སུ་མཐོང་སྟེ། དེ་ནི་ཡོད
308b6 ནས་མི་རྟག་པ་ཡིན་ནོ། ། སྣ་ཚོགས་ཀྱི་རང་བནན་གྱི་གནསསླ་པ་ས་མ་ཞིག་པ་དེ་ནི་ཡེ་ནས་རྟག་པ་སྙམ་མོ།། གསུམ་པ་ནི་མི་དེས་སེམས་ཅན་ལ་བལྟས་ན་ང་དང་ཞིང་ཕྲ་བ་ནི་རྡུལ་ཕྲ་མོ་དང་འདྲ་སྟེ། ཕྱོགས
308b7 བཅུའི་ཁམས་ནས་འཁོར་ཞིང་རང་བཞིན་ལ་འགྱུར་བ་མེད་དེ། ལུས་དེ་ཡང་སྐྱེ་ཡང་འཆི་སྟེ། མ་ཞིག་བས་ངའི་རང་བཞིན་རྟག་པ་ཡིན་ནོ།། སྐྱེ་ཤི་ཐམས་ཅད་ནི་དེ་ལས་བྱུང་ཞིང་རྒྱུ་སྟེ། རང་བཞིན
308b8 རྟག་པ་སྙམ་མོ། ། དེ་ལ་བཞི་པ་ནི་འདུ་ཤེས་ཀྱི་ཕུང་པོ་ནི་ཟད་པར་ཤེས། འདུ་བྱེད་ཀྱི་ཕུང་པོ་ནི་རྒྱུ་བར་མཐོང་སྟེ། འདུ་བྱེད་ཀྱི་ཕུང་པོ་ནི་རྟག་པར་རྒྱུ་སྟེ། རྟག་པར་གནས་པའི་རང་བཞིན་ཡིན་ནོ།།
iiif viewer powered by OpenSeadragon
