| e-texts navigator |
| Wylie |
308a1 དགའ་བོ་རིགས་ཀྱི་བུ་དག་ཏིང་ངེ་འཛིན་ལས་མི་དམིགས་པའི་ཡང་དག་པ་ཉིད་ལ་མཉམ་པར་བཞག་ན། བདུད་རྣམས་སེམས་ཐག་ཆོད་དོ།། རང་གི་རྒྱུ་བའི་རྩ་བ་ཤེས་ཏེ། ཟབ་མོ་དང་བདེ་བ་ལ
308a2 བརྟགས་ན་རྟག་པར་རྒྱས་པའི་ནང་ནས་སེམས་ཅན་ལ་ཚོད་འཛིན་ཏེ། མི་དེ་ནི་རྟག་པར་ཁྱབ་པར་ལྟ་བ་བཞིའི་ནང་དུ་ལྟུང་ངོ་།། དེ་ལ་དང་པོ་ནི་དེས་སེམས་དང་སེམས་ཀྱི་ཡུལ་གཉིས་ནང་ནས་རང་བཞིན་དུ
308a3 རྒྱུ་མེད་ཀྱང་སྤྱོད་པའི་ཚེ་ཤེས་པར་འགྱུར་རོ་ཞེ་བ་ན། བསྐལ་པ་ཉི་ཁྲིའི་པིར་དུ་ཕྱོགས་བཅུའི་སེམས་ཅན་ཇི་སྙེད་ཡོད་པའི་སྐྱེ་ཤིའི་འཁོར་བར་སྐྱེ་ཤིལ་འཁོར་ཏེ། གྱེས་ཤིང་སྦྱོར་མ་མྱོང་བས་དེ་ནི་རྟག་པ
308a4 ཉམ་དུ་སེམས་སོ། ། དེ་ལ་གཉིས་པ་ནི་མི་དེས་ཁམས་བཞི་ལ་བལྟས་ནས་ཁམས་བཞིའི་རང་བཞིན་རྟོག་པར་འདུག་སྟེ། སྤྱོད་ཅིང་སྦྱངས་པ་ལས་ཤེས་པར་འགྱུར་རོ།། བསྐལ་པ་བཞི་ཁྭའི་བར་དུ
308a5 ཕྱོགས་བཅུའི་སེམས་ཅན་གྱི་སྐྱེ་ཤིའི་ཇི་སྙེད་པ་ཀུན་རྟག་སྟེ། གྱེས་ཤིང་སྟོར་མ་མྱོང་སྟེ། དེ་ནི་རྟག་པ་སྙམ་མོ།། དེ་ལ་གསུམ་དུ་ནི་མི་དེས་སྐྱེ་མཆེད་དྲུག་ཐམས་ཅད་ལ་བལྟས་ན། འཇུག་པའི་ཡིད
308a6 ཀྱི་རྣམ་པར་ཤེས་པའི་ནང་ན་ཐོག་མ་ནས་གནས་མེད་དེ། རང་བཞིན་རྟག་པའི་ཕྱིར་སྤྱད་ཅིང་སྦྱངས་ན་གདོད་ཤེས་སོ།། བསྐལ་པ་བརྒྱད་ཁྲིའི་བར་དུ་སེམས་ཅན་ཐམས་ཅད་འཁོར་ཏེ། དེ་ཡེ་ནས་རྟག་པ
308a7 ལ་གནས་པས་གྱེས་ཤིང་སྟོར་བ་མ་མྱོང་སྟེ། དེ་ལྟར་རྟག་གོ་སྙམ་མོ།། དེ་ལ་བཞིར་ནི་མི་དེས་འདུས་ཤེས་ཀྱི་རྩ་བ་ཟད་ནས་འཁོར་བའི་སྐྱེ་ཤི་མེད་དེ། སྐྱེ་བ་དང་འཆི་བའི་འཁོར་བའི་རྒྱུ་བ་འགོག་པ་དང
308a8 འདུ་ཤེས་དང་། སེམས་ནི་ཡོངས་ནས་ཟད་པས་ད་ནི་ཡོང་ནས་མེད་དོ། དེའི་དོན་གྱི་ནང་ན་རང་གི་སྐྱེ་ཤི་མེད་པར་གྲུབ་སྟེ། རྟག་གོ་སྙམ་དུ་རྟོག་པའི་ཕྱིར་ཡང་དག་པར་ཤེས་པའི་གྲལ་སྟོང་ནས་མུ་སྟེགས
iiif viewer powered by OpenSeadragon
