| e-texts navigator |
| Wylie |
307b1 ཟབ་ཅིང་དང་པ་དེ་བཏགས་ན། ཉོན་མོངས་པའི་འཁྲུལ་པའི་གཞི་རྒྱུ་བ་རྒྱས་པ་ལས་རྟོག་པ་སྐྱེས་ནས་མི་དེ་ནི་རྒྱུ་མེད་པ་གཉིས་ཀྱི་ནང་དུ་ལྷུང་ངོ་།། དེ་ལ་གཅིག་ནི་མི་དེས་རྩ་བའི་གཞིའི་རྒྱུ་མཐོང་སྟེ། དེ
307b2 ཕྱིར་ཞེ་ན། སེམས་ཅན་གྱི་རྫབ་བཤིག་པ་ཐོབ་ན། མིག་གིན་རྩ་བ་བརྒྱད་བརྒྱའི་བསོད་ནམས་ཐོབ་སྟེ། བསྐལ་པ་བརྒྱད་ཁྲི་ཚུན་ཆད་ཀྱི་སེམས་ཅན་ཅི་ཡོད་པ་ལས་འཁོར་ཏེ། འདིར་ཤི་ནས་ཕ་རོལ
307b3 དུ་སྐྱེས་སྟེ། འཁོར་བ་དེ་ཉིད་དུ་སེམས་ཅན་འཁོར་བས་མཐོང་ངོ་།། བསྐལ་པ་བརྒྱད་ཁྲི་ཚུན་ཆད་ཀྱི་མི་སྣང་སྟེ། བལྟར་མེད་པས་དེ་ལྟ་བུར་ཤེས་སོ་སྙམ་དུ་སེམས་ཏེ། འཇིག་རྟེན་འདི་ལ་སོགས་པ
307b4 ཕྱོགས་བཅུའི་སེམས་ཅན་བསྐལ་པ་བརྒྱ་ཁྲི་ནས་རྒྱུ་མེད་པར་རང་བཞིན་གྱིས་ཡོད་དོ་སྙམ་དུ་རྟོག་པའི་ཕྱིར། ཡང་དག་པ་དམ་པའི་གྲལ་སྟོར་ནས་མུ་སྟེགས་ཀྱི་ནང་དུ་ལྟུང་སྟེ། བྱང་ཆུབ་ཀྱི་ངོ་བོ་ཉིད
307b5 ན་ནོར་ཏོ། ། གཉིས་ནི་མི་དེས་ཕྱི་མའི་རྒྱུ་མེད་པ་ལ་བལྟས་ཏེ། དེ་ཅིའི་ཕྱིར་ཞེ་ན། མི་དེས་སྐྱེ་ཤིའི་རྩ་བ་མཐོང་སྟེ། མི་ནི་མི་སྐྱེ་བར་ཤེས་བྱ་ནི་བྱར་སྐྱེ་བར་ཤེས། བྱ་རོག་ནི་ཡོངས་གནག། གཞན་ནི་ཡུངས
307b6 དཀར། ལྷ་དང་མི་ནི་ཡོངས་ཀྱིས་འགྲེང་། བྱོལ་སོང་ནི་ཡོངས་ཀྱིས་རྒུར། དཀར་པོ་ནི་བཀྲུས་ཏེ་གྱུར་པ་ཡིན། ནག་པོ་ནི་བཅོས་པ་ལས་གྱུར་པ་ཡིན་ཏེ། བསྐལ་པ་བརྒྱད་ཁྲིའི་བར་དུ་འགྱུར་བ་མེད་དོ།།
307b7 ད་ལྟར་གྱི་དུས་འདི་མ་ཟད་ཀྱི་བར་དུ་དེ་བཞིན་ནོ།། ངས་ནི་ཡོད་ནས་བྱང་ཆུབ་མཐོང་སྟེ། དེའི་ཅིའི་ཕྱིར་ཞེ་ན། བྱང་ཆུབ་འགྲུབ་པ་ཡོད་དོ།། ཤེས་པར་གྱིས་ཤིག། དེ་རིང་ཅི་ཡོད་པའི་ནོར་རྫས་ཡོད་ནས
307b8 རྒྱུ་མེད་པའོ་ཞེས་དེ་ལྟ་བུ་རྟོག་པའི་ཕྱིར་ཡང་དག་པ་ཁྱབ་པའི་ཤེས་པ་སྟོར་ནས་མུ་སྟེགས་ཀྱི་ནང་དུ་ལྷུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་རོ།། དེའི་མིང་ནི་རྒྱུ་མེད་པའི་མུ་སྟེགས་ཅན་དང་པོའོ།། ཡང
iiif viewer powered by OpenSeadragon
