| e-texts navigator |
| Wylie |
305b1 བར་བྱེད་དེ། དེ་ནས་མི་དེ་ལས་སྐྱེ་ཞིང་ཆོག་པའི་སེམས་སྐྱེས་ནས། དེའི་ལུས་དང་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་གྱོད་ལ་ཐོགས་སོ།། ཁྱོད་འཁོར་བ་ལ་མ་འཇུག་པར་སྔར་ཚོར་བར་གྱིས
305b2 ཤིག། འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་།། རིགས་ཀྱི་བུ་དག་ཚོར་བའི་ཕུང་པོ་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན
305b3 གསལ་བ་རྒྱས་པ་འབྱུང་བ་ལས་སེམས་ལ་ཚེ་རིང་པོར་སྲེད་པའི་སེམས་སྐྱེས་ཏེ། ཡུན་རིང་དུ་ཚེ་རིང་བ་ཚོལ་ཞིང་སྲེད་དེ། ཕུང་པོའི་ཡན་ལག་བོར་ནས་གཅིག་ཅར་ཚེ་ལ་རང་དབང་གིས་ལས་ཐོབ་ཅིང་ཕྲ་བའི་གཟུག
305b4 ཏག་པར་འགྱུར་དུ་རེའོ། ། དེའི་ཚེ་ལྷའི་བདུད་ཀྱིས་གླགས་རྙེད་ན་ནམ་མཁའི་ལྷ་རྫུབས་མི་དེ་ལ་ཞུགས་ཏེ། ཚིག་གིས་མདོ་སྡེ་དང་། ཆོས་བཤད་པ་དང་། མི་དེས་བདུད་ཀྱིས་བསླུས་པར་མཚོར་ནས་བདག་གིས་བླ་ན་མེད
305b5 པའི་མྱ་ངན་ལས་འདས་པ་ཐོབ་བོ་སྙམ་དུ་སེམས་སོ། ། རིགས་ཀྱི་བུ་ཚེ་རིང་བར་འདོད་པའི་ཐད་དུ་ཕྱིན་ཏེ། གདིང་བ་བཏིང་ནས་ཆོས་འཆང་ཅིང་འདི་སྐད་དུ་སྨྲས་ཏེ། ཁམས་གཞན་དུ་ཡང་ཐོགས་པ་མེད་པར་འགྲོའོ།།
305b6 བར་བར་ནི་དཔག་ཚད་ཁྲིའི་བར་དུ་ཕྱིན་ཏོ།། དབུགས་གང་ཙམ་གྱིས་སླར་འཁོར་ཏེ། ཁམས་གཞན་ནས་ནོར་བླངས་ཏེ་ཁྱེར་ཞིང་འོང་ངོ་།། བར་བར་ནི་ཁྱིམ་གཅིག་ན་ལྷན་ཅིག་འདུག་པ་དག་ལ་ཡང་གོམ་པ
305b7 འགའ་ཙམ་ལ་ཡང་ཤར་ཕྱོགས་ཀྱི་རྩིག་དྲུང་ནས་ནུབ་ཕྱོགས་ཀྱི་རྩིག་པའི་བར་དུ་མགྱོགས་པར་སོང་ཡང་ལོ་དུ་མར་ཡང་མི་ཕྱིན་པར་བྱེད་དེ། དེའི་ཕྱིར་སེམས་ཅན་དག་ཡིད་ཆེས་པར་བྱེད་དེ། ཡིད་ཆེས
305b8 ནས་དེ་ཉིད་སངས་རྒྱས་ཡིན་ནོ་སྙམ་དུ་སེམས་སོ། ། ཚིག་ཏུ་ནི་ཕྱོགས་བཅུའི་སེམས་ཅན་ཐམས་ཅད་ངའི་བུ་ཡིན། བདག་ལས་སངས་རྒྱས་ཐམས་ཅད་སྐྱེས། ངའི་འཇིག་རྟེན་དུ་བྱུང་། ང་ནི་ཡ་ནས་སངས
iiif viewer powered by OpenSeadragon
