| e-texts navigator |
| Wylie |
121a1 ཆུབ་སེམས་དཔའ་དེ་དག་དང་། ཉན་ཐོས་ཆེན་པོ་དེ་དག་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། དབང་ཕྱུག་ཆེན་པོ་དང་། གནས་གཙང་མའི་ལྷའི་བུ་ལ་སོགས་པ་དང་། ལྷའི་བུ་བརྒྱ་སྟོང་དུ་མ་དག་དང་།
121a2 དེམ་ཡིན་པ་གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་བརྒྱ་སྟོང་དག་ཀྱང་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའོ།།
121a3 འཕགས་པ་དཀོན་མཆོག་སྨིན་ཅེས་བྱ་བ་ཐེག་པ་ཆེན་པོའི་མདོ། རྫོགས་སྷོ།། ལོ་ཙཱ་བ་བནྡེ་རིན་ཆེན་མཚོ་དང་། ཆོས་ཉིད་ཚུལ་ཁྲིམས་ཀྱིས་སྐུར་ཅིང་ཞུས་ཏེ་གཏན་ལ་ཕབ་པ།
121a4 རྒྱ་གར་སྐད་དུ། ཨཱརྱ་མ་ཧཱ་མེ་གྷན་ནཱམ་མ་ཧཱ་ཡཱན་སཱུ་ཏྲ། བོད་སྐད་དུ། འཕགས་པ་སྤྲིན་ཆེན་པོ་ནས་བྱ་བའི་ཐེག་པ་ཆེན་པོའི་མདོ།། བམ་པོ་དང་གི། སངས་རྒྱས་དང་། བྱང་ཆུབ་སེམས་ལ། འཕགས་པ་ཉན་ཐོས
121a5 དང་། རང་སངས་རྒྱས་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོ་འཁབ་ན། བྱ་རྒོད་ཀྱི་ཕུང་པོའི་རི་ལ་གནས་བརྟན་འོད་བསྲུང་ཆེན་པོ་ལ་སོགས་པ་དགེ་སློངས
121a6 ལ་ཕྲག་དགུ་དང་བརྒྱད་འབུམ་གྱི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་། དགྲ་བཅོམ་པ། ཟག་པ་ཟད་པ། དབང་དང་ལྡན་པར་གྱུར་པ། ཉོན་མོངས་པ་མེད་པ། ཅང་ཤེས་པ། གླང་པོ་ཆེན་པོ།། སེམས་ཤིན་ཏུ་རྣམ
121a7 པར་གྲོལ་བ། ། ཤེས་རབ་ཤིན་ཏུ་རྣམ་པར་གྲོལ་བ། བྱ་བ་བྱས་པ། བྱེད་པ་བྱས་པ། ཁུང་བོར་བ། བདག་གི་དོན་རྗེས་སུ་ཐོབ་པ། ཡང་དག་པའི་ཤེས་པས་སེམས་ཤིན་དུ་རྣམ་པར་གྲོལ་བ། སྲིད་པར་ཀུན་དུ་སྦྱོར་བ་ཡོ
121a8 སཟད་པ། ཚུལ་ཁྲིམས་ཤིན་ཏུ་རྣམ་པར་དག་པ། སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ། མངོན་པར་ཤེས་པ་མངོན་པར་ཤེས་པ།། མཁས་པ་མངོན་པར་ཤེས་པ། རྣམ་པར་ཐར་པ་བརྒྱད་ལ
iiif viewer powered by OpenSeadragon
