| e-texts navigator |
| Wylie |
23b1 སྡུགར་བྱེ་མ་ཁན་པོ་སུ་རིན་དུ་པོ་དང་། ཟ་བར་མ་དང་། འུ་ཆེན་གྱི་ལོ་སྒྲུབ་པན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། གཙུག་གད་དུ། ཨཱརྱ་པྲ
23b2 ཤེ་ཥ་ཙིང་ཏི་བ་རེ་བྲྀནྡ་ནཱ་མ་མ་ཧཱ་ཡཱན་སཱུ་ཏྲ། བོད་སྐད་དུ། འཕགས་པ་ཚངས་པ་ཁྱད་པར་སེམས་ཀྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད
23b3 ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པའི་འོད་མའི་ཚལ་ན་དགེ་སློང་སྟོང་ཕྲག་དྲུག་བཅུ་རྩ་བཞིའི་དགེ་སློང་གི་དགེ་འདུན་ཆེན་པོ་དང་།
23b4 བྱང་ཆུབ་སེམས་དཔའ་སྟོང་ཕྲག་བདུན་བཅུ་རྩ་གཉིས་དང་ཐབས་གཅིག་ཏུ་བཞུགས་ཏེ། ཐམས་ཅད་ཀྱང་མངོན་པར་ཤེས་པས་མངོན་པར་ཤེས་པ། གཟུངས་ཐོབ་པ། སྤོབས་པ་ཐོགས་པ་མེད་པ། ཏིང་ངེ་འཛིན་ཐོབ་པ།
23b5 མངོན་པར་ཤེས་པས་རྣམ་པར་རོལ་ཅིང་སྤོབས་པ་མི་འཇིགས་པ་དང་ལྡན་པ། ཆོས་ཐམས་ཅད་ཀྱི་ངོ་བོ་ཉིད་སྟོན་པ་ལ་མཁས་པ། མི་སྐྱེ་བའི་ཆོས་ལ་བཟོད་པ་ཐོབ་པ་རྣམས་ལ་འདི་ལྟ་སྟེ། གཞོན་ནུར་གྱུར་པ་འཇམ་དཔལ
23b6 དང་། གཞོན་ནུར་གྱུར་པ་ལག་ན་རིན་པོ་ཆེ་དང་། གཞོན་ནུར་གྱུར་པ་ལག་ན་ཕྱག་རྒྱ་རིན་པོ་ཆེ་དང་། གཞོན་ནུར་གྱུར་པ་རིན་པོ་ཆེ་དཔལ་དང་། གཞོན་ནུར་གྱུར་པ་ནམ་མཁའ་མཛོད་དང་། གཞོན་ནུར་གྱུར་པ་སེམས་བསྐྱེད
23b7 མ་ཐག་ཏུ་ཆོས་ཀྱི་འཁོར་ལོ་སྐོར་བ་དང་། གཞོན་ནུར་གྱུར་པ་དྲ་བ་ཅན་གྱི་འོད་དང་། གཞོན་ནུར་གྱུར་པ་རྣམ་པར་བསྒྱིངས་པ་དང་། གཞོན་ནུར་གྱུར་པ་དཔལ་གྱི་སྙིང་པོ་དང་། གཞོན་ནུར་གྱུར་པ་བདོག་པ་ཐམས་ཅད་ཡོངས
23b8 སུ་གཏོང་བ་དང་། གཞོན་ནུར་གྱུར་པ་པད་མ་བཀོད་པ་དང་། གཞོན་ནུར་གྱུར་པ་སེང་གེ་དང་། གཞོན་ནུར་གྱུར་པ་ཟླ་འོད་དང་། གཞོན་ནུར་གྱུར་པ་ཟླ་བའི་འོད་ཟེར་གྱི་འོད་དང་། གཞོན་ནུར་གྱུར་པ་བློ་གྲོས་མཆོག་དང་། གཞོན
iiif viewer powered by OpenSeadragon
