| e-texts navigator |
| Wylie |
246b1 བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་དེའི་ཕྱིར་ཆོས་ཀྱི་རྣམ་གྲངས་འདི་ནི་དགེ་བའི་རྩ་བ་ཡོངས་སུ་འཛིན་པ་ཞེས་བྱ་བར་ཟུང་ཤིག། བསོད་ནམས་ཀྱི་ཚེགས།
246b2 གནས་ཤེས་བྱ་བ་ཡ་ལུང་ཤིག། བྱང་ཆུབ་སེམས་དཔའ་འགྲོགས་པ་འོས་བྱ་བར་ཡང་ཟུང་ཤིག། བྱང་ཆུབ་སེམས་དཔས་ཞུས་པ་ཞེས་བྱ་བར་ཡང་ཟུང་ཤིག། ཐེ་ཚོམ་ཐམས་ཅད་གཅོད་པའི་ལེའུ་ཞེས་བྱ་བར
246b3 ཡང་ཟུང་ཤིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་བྱང་ཆུབ་སེམས་དཔའ་བརྟན་པའི་བློ་གྲོས་དང་། བྱང་ཆུབ་སེམས་དཔའ་དེ་དག་དང་། ཉན་ཐོས་ཆེན་པོ་དེ་དག
246b4 དང་། ལྷ་དང་། མི་དང་། ལཱ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རདྲ་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དགེ་བའི་རྩ་བ་ཡོངས་སུ་འཛིན་པ་ཞེས་བྱ་བ་ཐེག་པ
246b5 ཆེན་པོའི་མདོ། རྫོགས་སོ།། རྒྱ་གར་གྱི་མཁན་པོ་པྲ་ཛྙཱ་ཝརྨ་དང་། ལོ་ཙཱ་བ་བན་དྷེ་ལེགས་ཀྱི་སྡེས་བསྒྱུར།། རྒྱ་གར་གྱི་མཁན་པོ་པྲ་ཛྙཱ་བར་མ་དང་། ཛྙཱ་ན་གར་བྷ་དང་། ཞུ་ཆེན་གྱི་ལོ་ཙྪ་བ་བན་དྷེ་ཡེ་ཤེས་སྡེས་ཞུས
246b6 ཏེ་གཏན་ལ་ཕབ་བོ། ། །། རྒྱ་གར་སྐད་དུ། ཨཱརྱ་ས་གྷྲཾ་ནཱི་སཱུ་ཏྲ་དྷ་བྷཱ་པ་རཱ་ཡ། བོད་སྐད་དུ། འཕགས་པ་དགེ་འདུན་ཟུང་གི་མདོའི་ཆོས་ཀྱི་རྣམ་གྲངས།། བམ་པོ་དང་པོ། སངས་རྒྱས་དང་བྱང་ཆུ་སེམས་དཔའ་ཐམས་ཅད་ལ
246b7 ཕྱག་འཚལ་ལོ། ། འདི་སྐད་བདག་གིས་ཐོས་པའི་དུས་ཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ་དགེ་སློང་གི་དགེ་འདུན་ཆེན་པོ་དགེ་སློང་སུམ་ཁྲི་ཉིས་སྟོང་ལ་འདི་ལྟ་སྟེ། ཚེ་དང་ལྡན་པ
246b8 ཀུན་ཤེས་ཀཽཎྜི་ནྱ་དང་། ཚེ་དང་ལྡན་པ་མོའུ་གལ་གྱི་བུ་ཆེན་པོ་དང་། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་འོད་སྒྲ་གཅན་འཛིན་དང་། ཚེ་དང་ལྡན་པ་བསྐུལ་དང་། ཚེ
iiif viewer powered by OpenSeadragon
