| e-texts navigator |
| Wylie |
154a1 བཅས་པ་རྫོགས་སོ། ། སངས་རྒྱས་འཁོར་བརྒྱད་དང་བཅས་པའི་མཚན་བརྒྱས་བརྒྱད་པ་གཟུངས་སྔགས་དང་བཅས་པ།། རྫོགས་སྷོ།། ནྱ་གར་སྐད་དུ། ཨཱརཱ་བ་ལོ་ཀ་ཏེ་ཤྭ་ར་སྱ་ནཱ་མ་ཨཉྫ་ཤ་ཏཀ། བོད་སྐད་དུ། འངགས
154a2 པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་ཞེས་བྱ་བ་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འཕགས་པ་སྤྱན་རས་གཟིགས
154a3 དབང་ཕྱུག་གི་གནས། རི་གུ་འཛིན་གྱི་རྩེ་མོ་མེ་ཏོག་དྲིགམ་པོ་སྣ་ཚོགས་བཀྲམ་པ།། འཛམ་བུ་ཆུ་བོའི་གསར་ཁ་དོག་བཟང་པོ་ལྟར་སྣང་བ།། རིན་པོ་ཆེ་སྣ་ཚོགས་སྣང་བའི་ས་ཕྱོགས་ན་བཞུགས་ཏེ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།
154a4 ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་གིས། བཅོམ་ལྡན་འདས་ལ་སྟེ་སྟང་དུ་བྱས། བླ་མར་བྱས། རི་མོར་བྱས་ཏེ། མཆོད་ཅིང་རྗེད་ནས
154a5 ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏེ། ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ།། ཚིག་འབྲུ་བཟང་པོ།། མ་འདྲེས་པ། ཡོངས་སུ་རྫོགས་པ། ཡོངས་སུ་བྱང་བ་ཡང་དག་པར་རབ
154a6 ཏུ་སྟོན་ཏོ། ། དེ་ནས་ཚངས་པ་ལ་སོགས་པས་འཕགས་པ་སྤྱན་རས་གཟིགས་དབང་ཕྱུག་ལ་བསྟོད་པ། ཀྱེ་བཅོམ་ལྡན་འདས།། དགོངས་པ་མཛད་པ། མཛད་རྒྱུ་མཛད་པ། ཁུར་བོར་བ། བདག་གི་དོན་རྗེས་སུ་བརྙེས་པ། སྲིད་པར་ཀུན་ཏུ་སྦྱོར་བ
154a7 ཡོངས་སུ་བས་པ། ཡང་དག་པའི་མཁྱེན་པས་ཐུགས་ཤིན་ཏུ་རྣམ་པར་གྲོལ་བ།། ཅང་མཁྱེན་པ། གླང་པོ་ཆེ་ཆེན་པོ་དང་། སེམས་ཅན་ཐམས་ཅད་ཀྱི་དབང་གི་དམ་པའི་ཕ་རོལ་དུ་བྱོན་པ། ཡེ་ཤེས་ཀྱི་ཚོགས་ཡོངས་སུ་རྫོགས་པ། སྲིད་པའི
154a8 དགོན་པ་ལས་རྒལ་བ། གཞན་ལ་སྨན་པ། ཐུགས་རྗེ་དང་འབྲེལ་བའི་ཐུགས་མངའ་བ། སྐྱེ་དགྲ་ལ་མཆོག་ཏུ་མཉེས་གཤིན་པ།། བདེ་བ་རབ་ཏུ་སྩོལ་བར་མཛད་པ།། བྱམས་པས་ཞུགས་པ། སེམས་ཅན་མཐའ་ཡས་པ་སྒྲོལ་བ་ལ་མཁས་པ
iiif viewer powered by OpenSeadragon
