| e-texts navigator |
| Wylie |
157a1 བཐདད་པ་དང་སྦྱོར་བ་མང་ཡང་རུང་ཉུང་ཡང་རུང་བས་སྒྲུབ་པར་བྱེད་དོ། ། འཇམ་དཔལ་གཞན་ཡང་གསང་སྔགས་འདི་དག་འཛིན་པ་དང་སྒྲུབ་པ་རྣམས་ལ་ནི་བགེགས་རྣམས་ཀྱིས་སྐབས་མེད་དོ།། ཕྱག་ན་རྡོ་རྗེ་དབང་བསྐུར་བ་ལས།
157a2 དེབཞིན་གཤེགས་པ་ཐམས་ཅད་ཀྱི་ཡུམ་རྣམས་ཀྱི་དངོས་གྲུབ་བསྒྲུབ་པའི་ཆོ་ག་རྫོགས་སྷོ།། འཕགས་པ་ལག་ན་རྡོ་རྗེ་དབང་བསྐུར་བའི་རྒྱུད་ཆེན་པོའི་རྒྱལ་པོ་རྫོགས་སྷོ།། །། རྒྱ་གར་གྱི་མཁན་པོ་ཤཱི་ལེན་དྲ་བོ་དྷི་དང་། ཞུ་ཆེན་གྱི་ལོ་ཙྪབ་བན
157a3 དྷེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། ། །། རྒྱ་གར་སྐད་དུ། བཛྲ་བྷཱུ་མི་ཏྲི་ཙ་ར་ཎི་རཱ་ཛ་ཀ་ལ་པ་ནཱ་མ།། བོད་སྐད་དུ། རྡོ་རྗེས་གསུམ་དུ་རྒྱུ་བ་ཞེས་བྱ་བའི་རྟོག་པའི་རྒྱལ་པོ།། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ།། དེ་ནས་གསང
157a4 བའི་དབང་ཕྱུག་པོ། ། ཤཱཀྱ་ཐུབ་ཀྱིས་ནི་རིགས་ཁྲོ་བོ།། ཕྱིས་ཀྱི་རྟོག་པ་ལས་རྒྱལ་བྱེད།། རྟོག་པའི་བླ་མ་འདི་མཆོག་བཤད།། ལྷ་དང་སྔགས་དང་སྦྱོར་བ་ཡིས།། རྟོག་པས་རྟོག་པ་འཇོམས་པའི་ལམ།། རྟོག་པ་མེད་པའི་རིག་པ་ཡིས།། ཁྲོ་བོའི
157a5 དབང་ཕྱུག་ཞི་བ་བརྙེས། ། དང་པོ་ཕྱག་འཚལ་དེ་འོག་ཏུ།། བཞི་པ་ཡི་ནི་ལྔ་པ་ལ།། དབྱངས་ཡིག་གསུམ་པས་མཛེས་པས་བྱས།། དྲུག་པའི་གསུམ་པ་བླང་བྱས་ལ།། འོག་ཏུ་དབྱངས་ཀྱི་གཉིས་པས་བརྒྱན།། དེ་ལ་ཟླ་ཕྱེད་དང་ཐིག་ལེ།། ལྔ་པའི་བཞི
157a6 པ་ཉིད་དང་ནི། ། དྲུག་པའི་གཉིས་པ་ཉིད་དང་ཡང་།། བཞི་པའི་བཞི་པ་ཡང་དེ་བཞིན།། ཡང་ནི་མེ་ཡི་ས་བོན་དང་།། ལྔ་པ་ཡི་ནི་གསུམ་པ་དང་།། གཉིས་པ་ཡི་ནི་གསུམ་པ་ཡི།། འོག་ཏུ་མེ་ཡི་ས་བོན་ནོ།། ལྔ་པའི་དང་པོ་ཉིད་དང་ཡང་།། གསུམ་པའི
157a7 སྡེ་པ་ལྔ་པ་ལ། ། དབྱངས་ཡིག་གསུམ་པས་བརྒྱན་པ་དང་།། དེ་ནས་རྡོ་རྗེ་སེམས་དཔའ་འདོད། ལག་ན་རྡོ་རྗེའི་སྙིང་པོའོ།། ལྔ་པ་ཡི་ནི་གཉིས་པ་ལ།། གསུམ་པའི་དང་པོ་མཐར་བཞག་པ།། འདི་རྣམས་རིག་སྔགས་དབང་བྱེད་པ།། གང་གཱ་ཀྲུང་།
157a8 བཅུའི་བྱེ་སྙད་ཀྱི།། སངས་རྒྱས་ཁྲོ་བོ་བྱང་ཆུབ་སེམས།། འབྱུང་པོར་བཅས་པ་འགུགས་མཛད་དོ།། རིག་སྔགས་རྣམས་ནི་ལྷ་ཉིད་དེ།། སྟོང་དང་སྙིང་རྗེ་འདྲེས་པ་ཡི།། ལྷ་འདི་སྙིང་ཁའི་སྦྱོར་བ་རུ།། ལེགས་པར་བཞག་པ་བསམ་པར་བྱ།། ལུགས
iiif viewer powered by OpenSeadragon
