| e-texts navigator |
| Wylie |
153b1 བྱ།། བདེ་གཤེགས་ལྷག་མ་འདི་དག་ནི།། ཟོ་ཞིག་སྡིག་པ་འབྱང་བར་འགྱུར།། ཞེས་བྱ་བས་སོ།། གླང་པོ་རྟ་གླང་ཤིང་རྟ་ནོར།། ཡོན་གྱི་དམ་པ་དབུལ་བར་བྱ།། དེ་ནས་དེ་ལ་ནན་ཏན་གྱིས།། ལོངས་སྤྱོད་གཡོ་བ་དབུལ་བར་བྱ།། གལ་ཏེ
153b2 ལྡན་ཅིག་དགྱེས་འདོད།། ཐ་མ་གུས་པར་དགྱེས་བྱེ་ཞིང་།། དེ་ལྟར་རྣམ་པ་ཐམས་ཅད་དུ།། བླ་མ་ཡང་དག་མཉེས་པར་བྱ།། དེ་ནས་ཡང་དག་བརྟུལ་ཞུགས་ཅན།། དགེ་སློང་དགེ་བསྙེན་དགེ་སློང་མ།། མཆོག་ཏུ་གས་པས
153b3 མཆོད་བྱས་ལ།། ཇི་ལྟར་བོས་པའི་ཡོན་ཡང་དབུལ།། དུང་དང་རོལ་མོའི་སྒྲ་ལ་སོགས།། བཟང་པོའི་གླུ་དང་གར་རྣམས་ཀྱིས།། གཉེན་དང་རིགས་རྒྱུད་འཁོར་རྣམས་ཀྱིས།། རོལ་མོ་ཆེན་པོ་མཚན་མོ་དབུལ།། དེ་ལྟར་ཐམས་ཅད
153b4 བྱས་ཟིན་ནས།། གང་རུང་མཆོད་སྦྱིན་དཀྱིལ་འཁོར་ལ།། ཕུལ་ལམ་འབུལ་བར་བྱེད་པ་རྣམས།། སློབ་དཔོན་ལ་ནི་དབུལ་བྱའི།། གཟེ་བོ་ལ་ནི་མི་སྦྱིན་ཞིང་།། དགེ་སློང་རྣམས་ལའང་སྦྱིན་མི་བྱ།། སློབ་དཔོན་མཆོག་གི་ལྷ་ཡིན
153b5 ཏེ།། ནོར་རྣམས་ཐམས་ཅད་དེ་ལ་དབུལ།། དེ་ནས་དཀྱིལ་འཁོར་བྱུག་བྱ་སྟེ།། བ་ཡི་ལྕི་བས་བྱུག་བྱ་ཞིང་། རྡུལ་ཚོན་ཆུ་བོར་དོར་བར་བྱ།། དྲི་ཡིས་ཡང་དག་ལེགས་པར་བྱུག། རབ་ཏུ་གནས་པ་མདོར་བསྡུས་པའི་ཆོ་ག
153b6 མ་རྫོགས་སྷོ།། །། ཁ་ཆེའི་བཎྜི་ཏ་ཆེན་པོ་ཛྙཱ་ན་བཛྲ་དང་།།། ལོ་ཙྪབ་འགྲོ་དགེ་སློང་ཤེས་རབ་གྲགས་པས་བསྒྱུར་བའོ།།
153b7 རྟ་གར་སྐད་དུ། ཤཱ་པ་ར་མ་དྱ་ནཱ་མ་མ་ཧཱ་ཡཱ་ན་ཀེལ་པ་དང་། བོད་སྐད་དུ། དཔལ་མཆོག་དང་པོ་ཞེས་བྱ་བ་ཐེག་པ་ཆེན་ཐའི་རྟོག་པའི་རྒྱལ་པོ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག
153b8 འཚལ་ལོ།། འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་བྱིན་གྱིས་རླབས་དང་། དམ་ཚིག་དང་མཁྱེན་པའི་བྱེ་བྲག་རྣམ་པ་ཐ་དད་པ་ཐམས་ཅད་དང་ལྡན་པ།
iiif viewer powered by OpenSeadragon
