| e-texts navigator |
| Wylie |
59a1 ཡིས་དྲག་སྔགས་བྲི། ། འཇིགས་བྱེད་བཀུག་སྟེ་དེ་ལ་མཆོད།། དེ་ཉིད་ཡུངས་ཀར་ཐུམ་པོར་འདེབས།། གང་ལ་བཏགས་པ་བསྲུང་བའི་མཆོག། རྡོ་རྗེ་བ་དེ་ཁྲོས་ཀྱི་རྒྱུད་ལས་ལས་ཕྲ་མོའི་ལེའུ་སྟེ་བཅུ
59a2 དྲུག་པའོ། ། ། དེ་ནས་དེ་དག་ལ་འཁོར་རྣམས་མངོན་པར་དགའ་སྟེ། བཅོམ་ལྡན་འདས་ལ་མཆོད་ཅིང་བསྟོད་ནས་རྗེས་སུ་ཡི་རང་བ་པྲལ་ཏེ་མི་སྣང་བར་གྱུར་ཏོ།། མཉམ་པ་ཆེན་པོ་ལ་བཞག་པའོ།། རྡོ་རྗེ་ངེདེ
59a3 ཁྲོས་ཀྱི་རྒྱུད་ལས་རྗེས་སུ་ཡི་རང་བའི་ལེའུ་སྟེ་བཅུ་བདུན་པའོ། ། །། རྡོ་རྗེ་བདེ་ཁྲོས་ཀྱི་རྒྱུད་ལས་དུམ་བུ་གསུམ་པའོ།། རྫོགས་སྷོ།། མཆོག་ཏུ་གསང་བའོ།། ཛྙཱ་ན་ཀཱ་རས་བསྐུར་རོ།།
59a4 རྒྱ་གར་སྐད་དུ། མཱ་ཡཱ་ཛྭ་ལ་མ་ཧཱ་ཏན་ཏྲ་རཱ་ཛཱ་ནཱ་མ།། བོད་སྐད་དུ། རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ཞེས་བྱ་བ།། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།
59a5 བཅོམ་ལྡན་འདས་གནས་གཙང་མའི་སྟེང་ན། ཁང་པ་བརྩེགས་པའི་རིན་པོ་ཆེའི་གཞལ་མེད་ཁང་ཆེན་པོ་བཀོད་པ། རྡོ་རྗེའི་གབས་བརྒྱན་པ།། ཤིན་མཛེས་པའི་རིན་པོ་ཆེ་བཀོད་པས་རྣམ་པར་བཀྲབ། རྡོ་རྗེའི་དྲིལ་པ
59a6 འཁྲོལ་བ། ཡིད་ལས་བྱུང་བའི་མཆོད་པའི་ཁྱད་པར་ཆེན་པོས་བརྒྱན་པ།། རྡོ་རྗེའི་འཁོར་ལོས་སྤྲས་པ། དེ་བཞིན་གཤེགས་པའི་སྤྲུལ་པའི་ཆ་བྱད་སྣ་ཚོགས་འཆང་བ་རྣམས་ཀྱིས་དོན་གྱི་བྱ་བ་བྱས་པ། རྣམ་པར་སྣང་མཛད
59a7 ཀྱི་སྙིང་པོ་ལས་ཡང་དག་པར་འབྱུང་བའི་སྤྱོད་པ་བསྐྱོད་ནས། ། ཞལ་བཞིའི་སྒོའི་གོ་སྐབས་ནས་བྱུང་བ་སྣ་ཚོགས་དང་རྡོ་རྗེ་དང་། རིན་པོ་ཆེ་ཆེན་པོ་དང་འོད་དཔག་མེད་དང་། བྱང་ཆུབ་སེམས་དཔའ་སེམས་དཔའ་ཆེན་པོའི་ཚོགས
59a8 དང་། རིག་སྔགས་ཀྱི་ལྷ་མོ་རྣམས་ཀྱིས་བརྒྱན་པ།། ཁྲ་བོའི་རྒྱལ་པོ་དང་། བྲན་དང་བྲན་མོ་དང་། པོ་ཉ་དང་པོ་ཉ་མོ་དང་ཕྱག་བརྙན་དང་། ཕྱག་བརྙན་མོ་དུ་མའི་འཁོར་གྱིས་བསྐོར་ཅིང་མདུན་གྱིས་བལྟས་པ། ཏིང་ངེ་འཛིན
iiif viewer powered by OpenSeadragon
