| e-texts navigator |
| Wylie |
147b1 འདིར་ནི་འཇིགས་པ་ཆེན་པོར་འགྱུར་རོ། ། འཇིག་རྟེན་ཕ་རོལ་ཏུ་ནི་དམྱལ་བར་འགྲོའོ།། དམ་ཚིག་ཀྱང་ཉམས་པར་འགྱུར་རོ།། འདི་ནི་འཇམ་དཔལ་འཇམ་པའི་མཆོག། དཔལ་རྡོ་རྗེ་འཇིགས་བྱེད་ཆེན་པོའི་རྣལ་འབྱོར
147b2 གྱི་རྒྱུད་ལས་བསམ་གཏན་གྱི་ལས་བསྒྲུབ་པའི་རྟགས་པའི་རྟོག་པ་སྟེ་བདུན་པའོ། ། །། དཔལ་རྡོ་རྗེ་འཇིགས་བྱེད་ཆེན་པོའི་འཁོར་ལོའི་རྒྱུད་འབུམ་པ་ནས་གཏུས་ནས་ཕྱུང་བ་རྟོག་པའི་ཕྱོགས་ཀླགས་པས་འགྲུབ
147b3 པ། དཔལ་རྡོ་རྗེ་འཇིགས་བྱེད་ཆེན་པོའི་མེ་ཧེའི་གདོང་ཅན་གྱིས། དངོས་གྲུབ་འགྲུབ་པའི་རྟོག་པ་རྫོགས་སྷོ།། ། དཔལ་ཨུ་རྒྱན་གྱི་གནས་ཆེན་པོ་ནས་དཔལ་འཇམ་དཔལ་གྱི་རྒྱུད་ལས་འབྱུང་བ་རྒྱུད་ཀྱི་རྒྱལ
147b4 པོ་ཆེན་པོ། ། དཔལ་རྡོ་རྗེ་འཇིགས་བྱེད་ཆེན་པོ་ཞེས་བྱ་བ་བླ་མ་དམ་པའི་དཀྱིལ་འཁོར་ཆེན་པོའི་སློབ་དཔོན་དཔལ་ལ་ལི་ཏ་བཛྲ་ས་བསྟོན་ནས་མཛད་པ་རྫོགས་སྷོ།། །། རྒྱ་གར་གྱི་པཎྜི་ཏ་མཆོག་གི་དངོས་གྲུབ
147b5 རྙེད་པ་བཱ་རོ་ཕྱག་རྡུམ་གྱི་ཞལ་ལྡནས་དང་། བོད་ཀྱི་ལོ་ཙྪ་བ་དགེ་སློང་རྡོ་རྗེ་གྲགས་ཀྱིས་བསྒྱུར་བའོ།། ། རྒྱ་གར་སྐད་དུ། ཤཱི་བཛྲ་བྷཻ་ར་བཀལ་པ་ཏན་ཏྲ་རཱ་ཛཱ། བོད་སྐད་དུ། དཔལ་རྡོ་རྗེ
147b6 འཇིགས་བྱེད་ཀྱི་རྟོག་པའི་རྒྱུད་ཀྱི་རྒྱལ་པོ། ། ངག་གི་དབང་ཕྱུག་ལ་ཕྱག་འཚལ་ལོ།། དེ་ནས་འདིར་ནི་བཤད་བྱ་བ།། ཇི་ལྟར་འགྲོ་རྣམས་ཟད་བྱེད་ཅིང་།། སྡུག་བསྔལ་རྣམ་ཐར་བྱེད་པ་ཡི།། སྒྲུབ་པའི་ཐབས་ཆེན
147b7 མཆོག་གྱུར་པ། ། གསང་སྔགས་འདི་ལས་འབྱུང་བར་འགྱུར།། དང་པོར་རྣམ་པར་སྣང་མཛད་སྟེ། དེ་དང་ཉེ་བར་དག་དབང་ཕྱུག། རྡོ་རྗེས་འཁོར་ལོ་བསྒྱུར་བའོ།། གདོན་གྱི་བདག་དང་འབྱུང་པོ་རྗེ།། མི་ཡིས་ས་བོན
147b8 གཉིས་ལྡན་བྱ། ། མཆོད་རྟེན་བསྲེག་བྱེད་མཐའ་དང་བཅས།། གཞན་དུ་ཤེས་པར་མི་འགྱུར་ཏེ།། རྡོ་རྗེ་ཅན་གྱི་མཁའ་ལ་གནས།། ཡི་གེ་འབུམ་ཕྲག་ཁྲི་བརྗོད་ན།། ཉམས་པ་ཐམས་ཅད་སེལ་བྱེད་ཅིང་།། ཞི་དང་རྒྱས
iiif viewer powered by OpenSeadragon
