| e-texts navigator |
| Wylie |
299a1 སེམས་དཔའ་ལ་པགའཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་དང་གསུང་དང་ཐུགས་ཀྱི་སྙིང་པོ་བུད་མེད་བཅུའི་དཀྱིལན
299a2 ཤས་ལྔ་པའི་ཚུལ་དུ་བཞུགས་སོ། ། བརྗེད་དུ་མེད་པའི་ཡང་བརྗོད་དུ་མེད་པའི་འཁོར་རྡོ་རྗེ་དང་པད་མར་སྦྱོར་བ་ལ་བཞུགས་པ་འདི་ལྟ་སྟེ། དམ་ཚིག་ཡོངས་སུ་སྤྱོད་པ་ཞེས་བྱ་བའི་རྡོ་རྗེ་མཁའ་འགྲོ་དང་། ཡེ་ཤེས་ཀྱི་ལུས
299a3 ཡོངས་སུ་འགྲུབ་པ་ཞེས་བྱ་བའི་རྡོ་རྗེ་མཁའ་འགྲོ་དང་། སྦ་བ་དན་ལྟ་བུའི་རྡོ་རྗེའི་གསུང་འབྱུང་བ་ཞེས་བྱ་བའི་རྡོ་རྗེ་མཁའ་འགྲེ་དང་། གཞན་གྱིས་ཤེས་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང། རྩེ་གཅིག་ཏུ་འདྲིས་པ་ཞེས་བྱ
299a4 པའི་རྡོ་རྗེ་མཁའ་འགྲོ་དང་། གཞན་ལས་འཕགས་པ་ཞེས་བྱ་བའི་རྡོ་རྗེ་མཁའ་འགྲོ་དང་། རྟེན་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་། རླན་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་། སྨིན་པར་བྱེད་པ་ཞེས་བྱ་བའི
299a5 རྡོ་རྗེ་མཁའ་འགྲོ་དང་། བསྐྱོད་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་། གོ་འབྱེད་པར་བྱེད་ཞེས་བྱ་བའི་རྡོ་རྗེ་མཁའ་འགྲོ་དང་།། ཧ་ར་ནུ་བུར་ལ་སོགས་པས་མཛེས་པ་ཞེས་བྱ་བའི་རྡོ་རྗེ་མཁའ་འགྲོ་དང་། གི་ཏ་མགྲིན་ལ་སོགས
299a6 པའི་གླུ་མཁན་མ་ཞེས་བྱ་བའི་རྡོ་རྗེ་མཁའ་འགྲེ་དང་། སྦྲུལ་གྱི་སྙིང་པོ་ལ་སོགས་པའི་དྲི་ལྡན་མ་ཞེས་བྱ་བའི་རྡོ་རྗེ་མཁའ་འགྲོ་དང་། ཚོད་མ་སྣ་ཚོགས་ཟ་བའི་རོ་ལྡན་མ་ཞེས་བྱ་བའི་རྡོ་རྗེ་མཁའ་འགྲོ་དང་། རྩེན་པ་སྣ་ཚོགས་ཀྱིས
299a7 འཁྲུང་མཁན་པ་ཞེས་བྱ་བའི་རྡོ་རྗེ་མཁའ་འགྲོ་མ་དང་། གསུམ་རིག་པར་བྱེད་པ་དངོས་མེད་མ་ཞེས་བྱ་བའི་རྡོ་རྗེ་མཁའ་འགྲོ་མ་ལ་སོགས་པ་རབ་ཀྱི་རྡུལ་དང་མཉམ་པའི་རྡོ་རྗེ་མཁའ་འགྲོ་ཐམས་ཅད་དང་། རྡོ་རྗེ་མཁའ་འགྲོ་ཆེན་པོ
299a8 ནམ་མཁའི་དབྱིངས་དང་མཉམ་པ་འདི་ལྟ་སྟེ། གཟུགས་ཀྱི་མཚན་ཉིད་ཞུ་བ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། ཚོར་བའི་མཚན་ཉིད་སིམ་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། འདུ་ཤེས་ཀྱི་མཚན་ཉིད་དུབ་ཞེས།
iiif viewer powered by OpenSeadragon
