| e-texts navigator |
| Wylie |
294a1 ལགས། ། བཅོམ་ལྡན་འདས་ཀྱིས་བཀའ་སྩལ་པ། གླེང་བསླང་བ་རྣམ་པ་ལྔ་དང་མཐའ་དྲུག་གིས་བཤད་པ་དང་རིག་པ་རྣམ་པ་བཞི་དང་། བཤད་པ་རྣམ་པ་བཞི་དང་དབྱེ་བ་རྣམ་པ་གཉིས་དང་གང་ཟག་རྣམ་པ
294a2 ལྔའི་སློབ་པ་བཏག་པ་དང་བདེན་པ་རྣམ་པ་གཉིས་ཀྱི་དགོངས་པ་རྣམས་སོ། ། གླེང་བསྲང་པ་རྣམ་པ་ལྡན་འདི་ལྟ་སྟེ། མིང་དང་གང་གིས་དོན་དུ་བྱས་པ་དང་བྱེད་པ་པོ་དང་ཚད་དང་དགོངས་པ་རྣམས་སོ།། མཐའ་དྲུག་ཏུ
294a3 བཤད་པ་ནི་འདི་ལྟ་སྟེ། དགོངས་པས་བཤད་པ་དང་དགོད་པ་མ་ཡིན་པས་བཤད་པ་དང་དྲང་བའི་དོན་དང་ངེས་པའི་དོན་དང་སྒྲ་ཇི་བཞིན་པ་དང་སྒྲ་ཇི་བཞིན་པ་མ་ཡིན་པ་རྣམས་སོ།། རིགས་པ་རྣམ་པ་བཞི་ནི་རྒུད་དང་གླེང
294a4 བཞི་དང་ངེས་ཚིག་དང་རྒྱུ་རྣམས་སོ། ། བཤད་པ་རྣམ་པ་བཞི་ནི་ཡི་གེའི་དོན་དང་སྤྱི་འདོན་དང་སྦས་པ་དང་མཐར་ཐུག་པ་རྣམས་སོ།། དབྱེ་བ་རྣམ་གཉིས་ནི་འདི་ལྟ་སྟེ། ཚོགས་ལ་བཤད་པ་དང་སློབ་མ་ལ་བཤད་པའོ།།
294a5 གང་ཟག་རྣམ་པ་ལྔའི་སློབ་མ་བརྟག་པ་ནི་འདི་ལྟ་སྟེ། རིན་པོ་ཆེ་དང་ཙན་དན་དང་པད་མ་དང་པད་མ་དཀར་པོ་དང་ཨུད་པ་ལ་རྣམས་སོ།། དེད་པ་རྣམ་པ་གཉིས་ཀྱི་དགོངས་པ་ནི་འདི་ལྟ་སྟེ། ཀུན་རྫོབ་ཀྱི་བདེན་པ་དང་དོན་དམ་པར
294a6 བདེན་པའོ། ། རིགས་ཀྱི་བུ་ཀུན་རྫོབ་ནི་མི་བརྟན་པ་དང་གཡོ་བའོ།། དེའི་བདེན་པ་ནི་ཆུ་ཟླ་ལྟ་བུའོ།། དོན་དམ་པའི་བདེན་པ་ནི་སྟོང་པ་ཆེན་པོ་བཅོ་བརྒྱད་དོ།། དེའི་མཐའ་ནི་གནས་སོ།། བྱང་ཆུབ་སེམས་དཔའ་རྣམས་ཀྱིས
294a7 གསོལ་བ། དོན་དམ་པའི་བདེན་པ་ལ་རབ་ཏུ་གནས་པའི་རྣལ་འབྱོར་ཆེན་པོ་པས་ལས་ཀྱི་རྒྱལ་པོ་མཆོག་གི་ཏིང་ངེ་འཛིན་ལ་བརྟེན་ནས་སེམས་ཅན་གྱི་དོན་ཇི་ལྟར་རབ་ཏུ་སྤྱོད་པར་བགྱིད། བཅོམ་ལྡན་འདས་ཀྱིས་བཀའ
294a8 སྩལ་པ། ཇི་སྲིད་དུ་ཞི་བ་ལ་སོགས་པའི་ལས་ཀྱིས་སེམས་ཅན་གྱི་དོན་མི་བྱེད་པ་དེ་སྲིད་དུ་ཡང་དག་པའི་མཐའ་ལ་རབ་ཏུ་གནས་པར་འགྱུར་རོ།། གང་དུ་སེམས་ཅན་གྱི་དོན་བྱ་བར་མཐོང་བ་དེའི་ཚེ་བདག་བྱིན་གྱི་བརླབ་པའི་རིབ
iiif viewer powered by OpenSeadragon
