| e-texts navigator |
| Wylie |
170a1 རྡོ་རྗེ་ཕྲེང་བའི་དོན་སྟོན་མཛད།། ཨེ་མའོ་རྡོ་རྗེ་ཐེག་གསལ་བ།། ཆོས་ཀྱི་དབྱིངས་ཀྱི་དོན་སྟོན་མཛད་ཅེས་ལན་གསུམ་བརྗོད་ནས་དེ་དག་གིས་རྡོ་རྗེ་འཆང་ཆེན་པོ་ལ་ཕྱག་འཚལ་ནས་འདུག་པར་གྱུར་ཏོ།། དེ་ནས་དེའི་ཚེ་སྐད་ཅིག
170a2 ཐང་ཅིག་ཡུད་ཙམ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་རྒྱ་ཆེན་པོ་འདུས་པ་དེ་དག་མཐོང་ནས་ཕྱག་ན་རྡོ་རྗེས་བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། ། བཅོམ་ལྡན་ཡེ་ཤེས་རྡོར་དབང་ཕྱུག
170a3 གསང་བའི་པད་མའི་ནང་བཞུགས་པ། ། དམ་ཚིག་ཆེན་པོའི་རྣལ་འབྱོར་དབང་།། ཐུགས་རྗེས་བདག་གིས་རིག་གསོན་ཅིག། བསྐལ་པ་བཟང་པོའི་སངས་རྒྱས་རྣམས།། རྡོ་རྗེ་ཐེག་པ་མངོན་འདོད་པ།། བྱང་ཆུབ་སེམས་དཔའ་སེམས་ད
170a4 ཆེ། འདི་དག་ལུས་ཀྱི་ཕྱག་འཚལ་འཁོད།། སྙིགས་མ་ལྔ་ཡི་དུས་ན་ནི།། མ་འོངས་པའི་སེམས་ཅན་རྣམས།། བརྩོན་འགྲུས་ཆུང་ཞིང་བསོད་ནམས་ཆུང་།། ལྟ་བ་ངན་པ་མང་པོ་དང་།། ཚེ་ཐུང་བ་ཡི་སེམས་ཅན་རྣམས།། གོ་འཕང་མཆོག་ནི
170a5 ཐོབ་ཅིང་འུ། ། རྒྱལ་བའི་སྲས་ནི་དེ་དག་དང་།། མ་འོངས་པའི་སེམས་ཅན་རྣམས།། འཁོར་བ་ལས་ནི་ཕ་རོལ་དུ།། གང་གིས་མྱུར་དུ་ཐར་བར་འགྱུར།། གཙོ་བོ་རྡོ་རྗེ་འཆང་ཆེན་ལ།། འདི་ལྟར་བདག་ནི་གསོལ་བ་འདེབས།། འགྲོ་བའི་གཙོ་བོ་ཁྱོད
170a6 དྲིན་གྱིས། ། དེ་ཉིད་མཆོག་ནི་བདག་གིས་འཚལ།། སངས་རྒྱས་ཀུན་གྱི་གསང་བ་ཡི།། རྒྱུད་རྣམས་ཀུན་གྱི་དོན་བསྡུས་པ།། བླ་ན་མེད་པའི་རིམ་པ་གཉིས།། རྡོ་རྗེ་ཕྲེང་བ་མངོན་རྟོགས་པ།། ཅུང་ཟད་འདྲི་བར་འཚལ་ལགས་ཀྱིས།། རྫོགས
170a7 པའི་རིམ་པའི་རྣལ་འབྱོར་གྱིས། ། ཁྱོད་ཀྱིས་བདག་ལ་བསྟན་དུ་གསོལ།། དཔལ་ལྡན་འདུས་པར་བརྡ་ཙམ་གང་།། རྣལ་འབྱོར་བླ་ན་མེད་ཆུང་ངུ།། ཐུབ་པ་ཆེན་པོས་ཆོས་ཕུང་པོ།། བརྒྱད་ཁྲི་དང་ནི་བཞི་སྟོང་ངོ་།། དེ་སྐད་སྨྲས་ནས་མདུན
170a8 འདུག་སྟེ། ། ལུས་ཀྱི་ཕྱག་ནི་བྱས་ནས་ཀྱང་།། ཡེ་ཤེས་ཆེན་པོ་བཅོམ་ལྡན་འདས།། རྡོ་རྗེ་སེམས་དཔའ་འགྲོ་བའི་བླ།། རྡོ་རྗེ་གསུམ་ནི་རོ་གཅིག་དོན།། དེ་ཉིད་གསུམ་གྱི་གོ་འཕང་སྟོན།། རྣལ་འབྱོར་རྒྱུད་ཀྱི་སྦས་པའི་དོན།། བདག་ལ་བསྟན
iiif viewer powered by OpenSeadragon
