| e-texts navigator |
| Wylie |
167b1 ཕབ་པ།། རྒྱ་གར་སྐད་དུ། ཤྲཱི་བཛྲ་མ་ལ། ཨ་བྷི་དཱ་ན་མ་ཧཱ་ཡོ་ག་ཏན་ཏྲ་སརྦ་ཏན་ཏྲ་ཧཱ་ད་ཡ་ར་ཧ་སྱ་བི་ཏ་ཀ་མ་ཨི་ཏི། བོད་སྐད་དུ། རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་བརྗོད་པ་རྒྱུད་ཐམས་ཅད་ཀྱི་སྙིང་པོ་གསང་བ་རྣམ
167b2 ཕྱེ་བ་ཞེས་བྱ་བ། ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། བཅོམ་ལྡན་འདས་རྣམ་པར་སྣང་མཛད་ཆེན་པོ་ལ་ཕྱག་འཚལ་ལོ།། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ།། དཀོན་མཆོག་གསུམ་ལ་ཕྱག་འ
167b3 ལོ། ། འདི་སྐང་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་རྡོ་རྗེ་བཙུན་མོའི་བྷ་ག་རྣམས་ལ་ཚད་མེད་པའི་ཕྱག་རྒྱ་ཆེན་པོས་མངོན་པར་རྟོགས་པས།
167b4 བཞུགས་ཏེ། དཔག་ཏུ་མེད་པའི་རྡོ་རྗེའི་རིགས་དང་འབྲེལ་བའི་བྱང་ཆུབ་སེམས་དཔའ་བྱེ་བ་ཕྲག་ཁྲིག་བརྒྱ་སྟོང་དུ་མ་དང་ཐབས་གཅིག་ཏུ་ཐམས་ཅད་ཀྱི་ཕྱག་རྒྱ་ཆེན་པོ་མངོན་པར་རྟོགས་པ་ལ་མངོན་དུ་བྱ་བ་ལ་བཞུགས་པ།། གཉིས་སུ།
167b5 མེད་པའི་བདེ་བ་ཆེན་པོ་ཉམ་སུ་མྱོང་བས་དགྱེས་པས་མཆོག་ཏུ་པད་མ་དགྱེས་པ། ཆོས་ཐམས་ཅད་ཀྱང་ཇི་ལྟ་བ་བཞིན་ཉམས་སུ་མྱོང་བ་མཐོང་བས་རྣམ་པར་མི་རྟོག་པའི་ཡེ་ཤེས་ཀྱི་དེ་ཁོ་ན་ཉིད་ལ་མངོན་དུ་ཕྱོགས་པ།། རྡོ་རྗེ་འཆད་ཆེན།
167b6 པོའི་དམ་ཚིག་བླ་ན་མེད་པའི་དབང་དུ་གྱུར་པ་ལ་རབ་ཏུ་མཁས་པ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དམ་ཚིག་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཞེ་སྡང་རྡོ་རྗེ་དང་།། བྱང་ཆུབ་སེམས་དཔའ
167b7 སེམས་དཔའ་ཆེན་པོ་ཆགས་པ་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ལས་དང་།། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ཡེ་ཤེས་དང་།། བྱང་ཆུབ་སེམས་དཔའ་སེམས་དཔའ་ཆེན་པོས་རྡོ་རྗེ་དང་།
167b8 བྱང་ཆུབ་སེམས་དཔའ་སེམས་དཔའ་ཆེན་པོ་ཆུ་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མེ་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རླུང་རྡོ་རྗེ་དང་།། དེ་ལྟ་བུ་རྣམས་གཙོ་བོར་གྱུར་པ་དམ་ཚིག་ཆེན་པོའི
iiif viewer powered by OpenSeadragon
