| e-texts navigator |
| Wylie |
167a1 སྒྲུབ་དབང་པོ། ། བྱང་ཆུབ་རྡོ་རྗེ་འདྲར་བ་ལྟ་དེ་ལ་རྟག་ཕྱག་འཚལ།། གང་ཞིག་ཐུན་བཞིའི་ཛི་རྗེ་དག་ནི་སྦུབ་བྱེད་པ།། མི་སྣང་ལ་སོགས་སྣ་ཚོགས་མཆོག་དང་དམན་གྲུབ་ཅིང་།། བླ་མའི་དྲིན་གྱིས་འདྲིན་མ་ནོར་ལ་མ་རྟོགས་པ།། བྱང
167a2 ཆུབ་རྡོ་རྗེ་འདྲར་བ་ལྟ་དེ་ལ་རྟག་ཕྱག་འཚལ། ། གང་ཞིག་རབ་གསང་འདུས་པའི་རྒྱུད་འདི་ཉན་པ་དང་།། འདོན་པར་བྱེད་དང་ཀློག་པ་དང་ནི་སེམས་དཔའ་དང་།། མཆོད་པ་བྱེད་པ་དང་ནི་འབྲིའམ་འདྲིར་འཇུག་པ།། བྱང་ཆུབ་རྡོ་རྗེ་འདྲ་བ་ལྟ་དེ་ལ་རྟག
167a3 ཕྱག་འཚལ། ། གང་དུ་ནི་སོགས་ལས་ཚོགས་ཤིན་ཏུ་བརྟགས་པ་ཡིས།། འཁྲུལ་འཁོར་སྔགས་ཀྱི་ཆོ་ག་དེ་བཞིན་རྒྱས་འདེབས་པའི།། བསྒྲུབ་བྱ་འདི་དང་ལྡན་པའི་བསྒྲུབ་པའི་དབང་པོ་ནི།། བྱང་ཆུབ་རྡོ་རྗེ་འདྲར་བ་ལྟ་དེ་ལ་རྟག་ཕྱག་འཚལ།།
167a4 གང་གིས་གཙོ་བོ་སྒྲུབ་པ་པོ་མཐོང་རེག་པ་དང་།། ལེགས་པར་དྲན་དང་མིང་ཙམ་ངེས་པར་ཟོས་པ་དང་།། དད་པར་བྱེད་ཅིང་ཕྱོགས་གཅིག་ཙམ་ཞིག་འཛིན་པ་དག། བྱང་ཆུབ་རྡོ་རྗེ་འདྲར་བལྟ་དེ་ལ་རྟག་ཕྱག་འཚལ།། བསྟོད་པའི་ཚིག་ནི་ཞི་བ
167a5 འདིས། ། འདྲེན་པ་ཀུན་ལ་བསྟོད་པ་དང་།། བྱང་ཆུབ་སེམས་དཔའ་མཆོད་ཆེན་ལ།། མགོན་པོ་དེ་དག་རྗེས་ཡི་རང་།། འདུས་པ་གསང་བ་ལས་བྱུང་བ། དེ་བཞིན་གཤེགས་པ་ཀུན་གྱི་གསང་།། རྒྱུད་ཀུན་བདག་པོའི་དབང་པོ་ཡིས།། རྒྱུད་འདི
167a6 ལེགས་པར་གསུངས་པ་ཡིན། ། དེ་ནས་དེ་བཞིན་གཤེགས་པ་དེ་དག་ཐམས་ཅད་དང་། བྱང་ཆུབ་སེམས་དཔར་དེ་དག་ཐམས་ཅད་ཀྱིས་དེ་སྐད་ཅེས་གསུངས་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལ་བཞུགས་ཏེ།། སྐུ་དང་གསུང
167a7 དང་ཐུགས་རྡོ་རྗེའི་སྐུ་དང་གསུང་དང་ཐུགས་རང་གི་སྐུ་དང་གསུང་དང་ཐུགས་རྡོ་རྗེ་ལ་དམིགས་ཏེ་ཅང་མི་གསུང་བར་གྱུར་ཏོ། ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་ཆེན་པོ་གསང་བ་འདུས་པ་ལས།
167a8 གསང་བ་ཐམས་ཅད་སྟོན་པ་རྡོ་རྗེའི་ཡེ་ཤེས་ཀྱིས་བྱིན་གྱིས་རློབ་པ་ཞེས་བྱ་བའི་ལེའུ་སྟེ་བཅཝ་བརྒྱད་པ་རྫོགས་སྷོ།། རྒྱ་གར་གྱི་མཁན་པོ་ཨ་ཙཨཱརྱ་ཤྲད་དྷཱ་ཀར་ཝརྒྷ་དང་ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྐུར་ཏེ་གཏན་ལ།
iiif viewer powered by OpenSeadragon
