| e-texts navigator |
| Wylie |
93a1 ལུས་སེམས་གཉིས་པོ་འབྲེལ་དུས་དེར།། དེ་ལས་ཐར་པའི་ཐབས་གཅིག་ཞུ།། དེ་ནས་སྟོན་པས་ཚིག་འདི་སྐད་ཅེས་བཀའ་སྩལ་ཏོ།། རྒྱུ་འབྲས་ཀུན་དུ་སྡུག་བསྔལ་བ།། མ་ལུས་དབྱེར་མེད་ཤེས་གྱུར་ན།། སྡུག་བསྔལ་མ།
93a2 ལུས་བདེ་བར་འགྱུར།། གཞན་ཡང་ཐུན་མོང་འདི་ལྟ་སྟེ།། ཕྱོགས་ངན་ལ་སོགས་འགྲོ་བའི་ཚེ།། ཕྱོགས་ལས་རྣམ་པར་རྒྱལ་བར་བྱ།། ཉེས་ལེགས་ཀུན་གྱི་སྟ་མ་གཅོད་པ།། མནའ་འམ་གལ་གྱིས་འཇིག་པ་ལ།། མནའ་ལས་རྣམ་པར་རྒྱལ་བར
93a3 བྱ། ། ནད་དང་གདོན་གྱིས་ཉེས་པ་ལ།། བགེགས་ལས་རྣམ་པར་རྒྱལ་བར་བྱ།། བདག་གཞན་གཉིས་པོ་རྩོད་པ་ལ།། ངག་ལས་རྣམ་པར་རྒྱལ་བར་བྱ།། ལུས་སེམས་གཉིས་པོ་འབྲལ་དུས་དེར།། རླུང་ལས་རྣམ་པར་རྒྱལ་བར་བྱ།། མཁའ་འགྲོ་མ
93a4 ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་བག་མོ་མངོན་པར་འཐུང་བའི་རྒྱུད་ལས་རྣམ་པར་རྒྱལ་བ་རྣམ་པ་ལྔའི་ལེའུ་སྟེ་བཅུ་པའོ། ། །། དེ་ནས་མགོན་པོ་ཧོ་རུ་ཀས་འཁོར་རྣམས་ལ་དེ་སྐད་ཅེས་བཀའ་སྩལ་པ
93a5 དང་། གསང་སྔགས་ཀྱི་སྡང་བ་མོ་རབ་ཏུ་དགའ་སྟེ།། འཁོར་རྣམས་འདུས་པའི་ཚོགས་ཀྱིས་ཀྱང་དེ་ལྟར་དགའ་མགུ་ཡི་རངས་ཏེ།། ཕྱི་ནང་གསང་བའི་མཆོད་པ་ཕུལ་ནས།། མགོན་པོ་ཐུགས་རྗེ་དང་ལྡན་པས།། བདག་དང་འདུས་པའི་འཁོར
93a6 རྣམས་དང་། འཁོར་བའི་སེམས་ཅན་ཐམས་ཅད་ལ།། ཐུགས་རྗེས་གནང་བ་བཀའ་དྲིན་ལགས།། ཞེས་དགའ་མགུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །། མཁའ་འགྲོ་མ་ཐམས་ཅད་ཀྱི་ཐུགས
93a7 གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བ་རྩ་བའི་རྒྱུད་བཅོམ་ལྡན་འདས་འཇིགས་བྱེད་ཧེ་རུ་ཀས་གསུངས་པ་རྫོགས་སྷོ། ། །། དུར་ཁྲོད་བདག་མོས་གསོལ་པ།། ལྷ་མོ་རྣམས་ཀྱི་སྐུ་མདོག་ནི།། ཇི་ལྟར་ཤེས
93a8 ན་གྲོལ་བར་འགྱུར། ། པག་མོ་ཞེས་བྱ་གང་ལ་བྱ།། ཡི་གེའི་དོན་ནི་གང་ལ་བསྐྱལ།། བསྐྱེད་རྫོགས་ངོ་བོ་གང་ལ་བྱ།། དཔའ་བོ་ཧོ་རུ་ཀས་བཀའ་སྩལ་པ།། ཉོན་ཅིག་དུར་ཁྲོད་ཕག་མོ་ཁྱོད།། ཉེས་པའི་སྐྱོན་གྱིས་མ་གོས་པ།། དཀར་ཞིང་སྤྲོས་བྲལ་ཞི་བར
iiif viewer powered by OpenSeadragon
